देशका बिभिन्न जिल्ला तथा काठमाडौं उपत्यकामा राजावादी प्रदर्शन हुन थालेपछि काठमाडौं स्थित अमेरिकी राजदूतावासले आफ्ना नागरिकलाई सचेत रहन आग्रह गरेको छ । दुतावासले राजनीतिक विरोध र प्रदर्शनका कार्यक्रमबाट जोगिन अमेरिकी नागरिक र संघ\संस्थाका प्रतिनिधिलाई निवासमै रहन आग्रह गरेको हो ।
आफ्ना नागरिकलाई विशेष सावधानी अपनाउन अनुरोध गर्दै अमेरिकी राजदूतावासले विशेष सूचना समेत जारी गरेको छ । राजधानीका माइतिघर तथा अन्य स्थानमा भएका प्रदर्शनलाई लिएर दुतावासले सचेतना सुचना जारी गरेको हो ।
अमेरिकी दूतावासले जारी गरेको सूचनामा भनिएको छ– ठूलो भीड वा विररोध कार्यक्रमका कारण कतै फसियो भने जतिसक्दो छिटो त्यहाँबाट निस्किन तथा नसकिने अवस्था छ भने नजिकैका सुरक्षित स्थानमा आश्रय लिन आफ्ना नागरिक तथा पदाधिकारीलाई सुझाव दिएको छ ।
नेपालका अमेरिकी नागरिकलाई स्थानीय सञ्चारमाध्यम हेर्न, सुन्न र पढ्न पनि अनुरोध समेत गरेको दुतावासले कुनै शंकास्पद वस्तु फेला परे तत्काल नेपाल प्रहरीलाई सूचना दिन अनुरोध पनि गरेको छ ।
प्रतिक्रिया