नेकपा एमालेको बागमती प्रदेश कमिटीको नयाँ नेतृत्व चयन हुँदै छ। काठमाडौंमा जारी नेकपा एमालेको बागमती प्रदेश कमिटीको अधिवेशनबाट नयाँ नेतृत्व चयन हुन लागेको हो । एमाले बागमती प्रदेश कमिटीको अध्यक्षका लागि ५ जनाले उम्मेदवारी दिएका छन् । अध्यक्षमा रामेछापका कैलाश ढुंगेल, मकवानपुरका कृष्णप्रसाद दाहाल, केशरबहादुर बुढाथोकी र सानुकुमार श्रेष्ठले उम्मेदवारी दर्ता गराएका छन् ।
यस्तै, उपाध्यक्षमा सुवासचन्द्र ठकुरी, नारायणप्रसाद खतिवडा, दावादार्जे लामा, ईश्वरचन्द्र पोखरेल र राजेन्द्र राजथला गरि ५ जनाको उम्मेदवारी परेको छ । यस्तै सचिवमा रत्न गुरुङ, नवराज सिलवाल, हस्त पण्डित र राकुमार अधिकारीले उम्मेदवारी दर्ता गराएका छन् । उपसचिवमा खड्गबहादुर खत्री, गंगादेवी श्रेष्ठ, डबल पाण्डे, टासी लामा, भक्तकुमारी लामा, ओमराज पन्त, ठाकुरप्रसाद गजुरेल, कृष्णहरी थापा र रमेश महर्जनले उम्मेदवारी दिएका हुन् ।
उक्त अधिवेशनमा उम्मेद्वारी दिएकाहरुले आफ्नो उम्मेद्वारी राजनीतिक सुधारका लागि भएको जिकिर गरेका छन् । ललितपुरका निवर्तमान प्रतिनिधि सभा सदस्य र बागमती प्रदेश संगठन कमिटिको सचिव पदको उम्मेदवार नवराज शिलवालले सबैजना मिलेर राजनीतिलाई सबलिकरण गरेर अपराधिकरण हटाउन योगदान गर्ने उद्देश्यले उम्मेद्वारी दिएको बताएका छन् ।
प्रतिक्रिया