४० लाखभन्दा बढी फलोअर्स भएको लोकप्रिय फेसबुक पेज रुटिन अफ नेपाल बन्द (आरओएनबी) फेरि सक्रिय भएको छ । आफूबाट विगतमा केही गल्तीहरू भएको स्वीकार गर्दै अब गल्ती नगर्ने वाचा सहित पेज सक्रिय भएको हो । ‘कुनै पनि गल्ती वा त्रुटिहरू जानाजान नगरिएको र ती गल्तीहरू सिकाइको अनुभवकारुपमा ग्रहण गर्दै गल्ती नदोहोर्‍याउने प्रतिबद्धतासहित पेज सक्रिय गरिएको छ । रुटिन अफ नेपाल बन्द पेजमा नै लामो स्टाटस सार्वजनिक गर्दै पेज सञ्चालनमा आएको जानकारी गराइको छ । ख्यालख्यालैमा सुरु भएको रुटिन आरओएनबी सबैको साझा दैनिकी बनिसकेको स्टाटसमा प्रस्ट पारिएको छ ।

उत्साह, सकरात्मक सोचसंगै आफु शिकारु भएको र नयाँ प्रबिधि, सकारात्मक खबरमात्रै दिने नयाँ प्रयास र नयाँ पुस्ताको मनपर्ने शब्दहरुको संयोजन जति रोमाञ्चक थियो, त्यति नै जोखिमपुर्ण रहेको पनि स्टाटसमा उल्लेख गरिएको छ । अबका उद्देष्यहरु न्यूनतमरुपमा यी हुनेछन् भन्दै ९ बुदे उद्देष्यहरु पनि प्रकाशन गर्दै पेज सञ्चालमा आएको हो । जसमा पब्लिक कम्पनीमा जाने सम्भावना खोजी , ब्रेकिङ भन्दा पनि सत्य र प्रमाणीत बनाउने , सामाजिक कार्य जस्ता हेल्प पोस्टहरुलाई पहिलो प्राथमिकता दिने, नेपालमा बनेको वा कुनै विशेष स्टार्ट अपको बारेमा निशुल्क प्रमोसन र कुनै व्यक्ति वा समूहको ब्रान्डकारुपमा मात्र नरहेर सम्पूर्ण आमसर्वसाधारण नेपालीको पहुँच र सम्पर्कको ब्रान्डकारुपमा स्थापित गर्ने दिशातिर लाग्ने लगाएतका विषय रहेका छन् ।

श्रीमति सवार महानगरको गाडीलाई ट्राफिकले रोकेको भन्दै काठमाडौँ महानगरका मेयर बालेन शाहले सिंहदरबारमा आगो लगाइदिने धम्कीपूर्ण स्टाटस लेखेका थिए । त्यसलाई लिएर बालेनको तीव्र आलोचना भएको थियो ।

भोलिपल्ट बिहानै रुटिन अफ नेपाल बन्दले बालेनको पुत्रीलाभको खबर सार्वजनिक गरेको थियो । पुत्रीलाभको खबर सार्वजनिक गरेर आलोचनालाई डाइभर्ट गर्न भुमिका निभाएको रुटिन अफ नेपाल बन्दलाई आरोप लागेको थियो । रुटिन अफ नेपाल बन्दले पुत्रीलाभको खबर सार्वजनिक गरेपछि सञ्चारमाध्यमले एक हप्ता अगाडी नै शिशुको जन्म भइसकेको समाचार प्रकाशन गरेपछि सो आरोप पुष्टि भएको थियो ।

मेयर बालेनको गैरजिम्मेवारपूर्ण स्टाटसपछि उनको बचाउमा उत्रेको ‘रुटिन अफ नेपाल बन्द’ पाठकको चर्को दबाब थेग्न नसकेर बन्द भएको थियो । सञ्चालक भिक्टर पौडेलले भदौ १८ गते फेसबुकमा स्टाटस लेख्दै ‘बोल्ड डिसिजन’ लिन लागेको बताएका थिए । त्यसलगत्तै रुटिन अफ नेपाल बन्दको फेसबुक र इन्स्टाग्रामको पेज बन्द गरिएको थियो ।

२०६८ सालमा बन्दको ‘अपडेट’ दिन १६ वर्षे ठिटोले शुरू गरेको सामान्य फेसबूक पेज थियो, आरओएनबी। त्यती बेला नेपाल बन्द धेरै सुनिन्थ्यो । कहिले कुन पार्टीको बन्द, कहिले कुन समूहको बन्द । एक हिसाबमा त्यस समय नेपाल बन्दको रुटिन नै बन्थ्यो । त्यही कारण सञ्चालनमा आएको पेज २०८० सालमा आइपुग्दा युवाको ठूलो जमात विश्वास गर्ने माध्यमा बन्न सफल भएको छ । नेपालका ठुला भनिएका सञ्चार माध्यमको भन्दा राम्रो विश्वासको माध्यम बनेको छ आरओएनबी । केहि समचार आउदा सत्यता जाच गर्न आरओएनबीले पोस्ट गरेको छ की नाई भनेर जाच गरिने वातावरण छ अहिले ।

अहिले आरओएनबीको प्रभाव राष्ट्रिय राजनीतिसम्मै विस्तार भइसकेको छ। त्यसको उदाहरण नेपाली कांग्रेस नेत्री आरजु राणाको टिप्पणी थियो । २०७९ असार ६ गते एउटा कार्यक्रममा कांग्रेस नेत्री राणाले काठमाडौं महानगरपालिकाका मेयर बालेन्द्र साहले आरओएनबीलाई ‘कन्सल्ट्यान्ट हायर’ गरेकाले चुनाव जितेको दाबी गरेकी थिइन् ।