सिन्धुपाल्चोकको जुगल गाउँपालिका–२ लिदी पहिरोमा पुरीएका मध्य ३२ जनाको शव फेला परेको छ । साउन ३० गते गएको पहिरामा पुरिएका उनिहरु मध्य लगातारको प्रयासपछि अहिले सम्म ३२ जनाको शव फेला परेको हो ।
नेपाली सेना, नेपाल प्रहरी र सशस्त्र प्रहरीसंगै स्थानियको पहलमा पहिरो पन्छाएर निकालिएकाहरुमा आज भेटिएका शव ३५ वर्षीया सानोकान्छी दोङ र उनकी ४ वर्षीया छोरी करिस्माई दोङको रहेको छ ।
यस अघि बिहिबार १८ वर्षीया ललिता दोङ, ४२ वर्षीया बिबीरानी दोङ, पाँच वर्षीय सानुकान्छा दोङ र ४४ वर्षीय हीराबहादुर दोङको शव फेटिएको थियो ।
३७ घरको क्षति भएको यस पहिरोमा ३९ जना बेपत्ता भएका थिए। जसमध्य ३२ जनाको शव फेला परेको छ भने पुरिएका बाँकी ७ जनाको खोजी कार्य जारी छ ।
प्रतिक्रिया