सोमबार सार्वजनिक भएको म्युजिक भिडिओमा राष्ट्रिय झन्डा जलाउने समूहका चार सदस्य पक्राउ परेका छन् । गेल्जङ दोर्जे तामाङले गाएको देशद्रोही बोलको गीतको भिडियोमा राष्ट्रिय जलाएको दृश्यको चौतर्फी बिरोध भएपछि प्रहरीले भिडियो निर्माणमा सहभागी मध्य ४ जनालाई पक्राउ गरेको हो ।
भिडिओको ४० औं सेकेन्डमा गायक तामाङले झण्डा जलाएको दृश्य रहेको छ । बाहुन क्षेत्रीलाई समेत जथाभावी गाली गलौज गरिएको यस भिडियोमा चैतको तेस्रो साता तिर छायांकन भएपनि यस बिषयमा भिडियो निर्माण युनिटले केही जानकारी गराएको थिएन । ५ महिना पछि भदौ १ सार्वजिनक भएको यस भिडियोमा नेपालको झण्डा लजाएको दृश्यले नेपालीहरु आक्रोशित बनेसंगै मंगलबार दिनभरि अपरेसनमा जुटेको महानगरीय अपराध महाशाखाले भिडियोमा संलग्न चार जनालाई पक्राउ गरेको हो ।
यस भिडियो निर्माणमा संलग्न बाँकी ६ जनालाई प्रहरीले खोजी गरिरहेको बताएको छ ।
प्रतिक्रिया