डालसमा गायिका सुवानी मोक्तानको बिशेष सांगितीक सो हुदैँ

अमेरिकाको टेक्सस डालसको अर्भिंगमा चर्चित गायिका सुवानी मोक्तानको बिशेष सांगितीक सो हुने भएको छ । नमस्ते ईन्टरटेनमेन्टको आयोजनामा डालस अर्भिंगमा गायिका सुबानी मोक्तानको सांगितीक सो हुने भएको हो ।

अगामी शुक्रबार अर्थात अप्रिल २६ का दिन टेक्ससको डालस अर्भिंगको अलिबाबा हुक्का लाउन्जमा गायिका मोक्तान सहितको सांगितीक कार्यक्रम आयोजना हुने भएको हो । कार्यक्रममा गायिक सुवानी संगै डालसकै चर्चित म्याड हनी व्याण्डको प्रस्तुती समेत रहनेछ । कार्यक्रमको अर्काे आर्कषणका रुप वेली डान्स र डिजे लगायत समेत रहने छन् । गायिका सुबानी मोक्तान चर्चित गायिका कुन्ति मोक्तान र संगीतकार शिला वहादुर मोक्तानकी छोरी हुन् । उनी सांगितीक क्षेत्र संगै भ्वाइसओभरका कारण पनि चर्चित छिन् । एनसेलको अनाउन्समेन्ट आवाज सुबानी कै हो ।

नमस्ते ईन्टरटेनमेन्टको आयोजनामा हुने कार्यक्रम साँझ ८ बजेबाट सुरु भई बिहान ४ बजे सम्म रहने छ । कार्यक्रममा प्रवेश शुल्क ३० डलर राखिएको र टिकट अग्रिम बुकिंग समेत भईरहेको नमस्ते ईन्टरटेनमेन्टका निर्देशक कुमार बुढाथोकीले जानकारी दिएका छन् । नमस्ते ईन्टरटेनमेन्टले नेपाली बर्षको उपलक्ष्यमा गायिका परजिता बास्तोलाको प्रस्तुतीमा न्यू इयर इभ कार्यक्रम समेत आयोजना गरेको थियो । सो कार्यक्रम हाउसफुल भएको थियो । नमस्ते ईन्टरटेनमेन्टले केहि समय लगतै बलिउड नायक गोबिन्दको समेत सो गर्ने तयारी गरिरहेको छ ।

TOP