यी हुन् स्कटल्याण्डसँग नेपाल २ रनले हार्नुका ४ कारण
-
युएस खबर - २०८२ जेष्ठ २७ गते
आईसीसी क्रिकेट विश्वकप लिग-२ अन्तर्गत घरेलु टोली स्कटल्यान्डसँगको खेलमा नेपाल दुई रनले पराजित भएको छ । स्कटल्यान्डले दिएको ३२४ रनको लक्ष्य पछ्याएको नेपाल निर्धारित ओभरमा ३२१ रनमा अलआउट भयो । ४९ ओभरसम्म पनि खेल पुरै नेपालको पकडमा थियो ।
अर्थात नेपाली टोलीले सहजै जित निकाल्न सक्थे । अन्तिम ओभरमा नेपाललाई ६ बलमा मात्रै ७ रन चाहिँएको थियो । तर, नेपाल स्कटल्यान्डसँग २ रनले पराजित हुन पुग्यो ।
नेपालका लागि भीम सार्कीले ७३, सोमपाल कामीले ६७ र दीपेन्द्रसिंह ऐरीले ५६ रन बनाए । स्कटल्यान्डका म्याकेन्जी जोन्सले तीन विकेट लिए ।
त्यसअघि स्कटल्यान्डको फोर्थहिल क्रिकेट मैदानमा टस जितेर पहिले ब्याटिङ गरेको घरेलु टोलीले ५० ओभरमा छ विकेट गुमाएर ३२३ रन बनाएको थियो ।
स्कटल्यान्डसँग नेपालले हार्नुका ४ कारण
१. बलरको कमजोरी
स्कटल्यान्डसामु नेपालका प्रमुख बलर निरही बने । नेपालका तीन प्रमुख बलर सोमपाल कामी, करण केसी र सन्दीप लामिछाने कुल २८ ओभरमा २ सय १८ रन खर्चिदा दुई विकेट लिए ।
बाँकी २२ ओभर ललित, दीपेन्द्र र आरिफले मात्रै १ सय रन दिएका थिए । करणले ९ ओभरमा २ मेडनसहित ७४ रन खर्चेर २ विकेट लिदा सोमपालले ९ ओभरमा १ मेडनसहित ७५ तथा सन्दीप लामिछानेले १० ओभरमा ६९ रन खर्चिदा विकेटविहीन बने ।
प्रमुख बलर नै निरही बनेपछि स्कटल्यान्डले नेपाललाई विशाल लक्ष्य दिन सफल भएको हो । यदि स्कटल्यान्डलाई तीन सय रनसम्म पनि रोक्न सकेको भए नेपालले सहज जित निकाल्न सक्ने देखिन्छ ।
२.शीर्ष क्रममा ब्याट्स्म्यान फलप
स्कटल्यान्डको खेलमा शीर्ष क्रममा ब्याट्स्म्यान नै फलप भइदिए । यदि शीर्ष क्रममा शीर्ष क्रममा ब्याट्स्म्यानले राम्रो सुरुवात दिएको भए खेल नेपालले जित्न सक्थ्यो । नेपालले राम्रो सुरुवात दिएको भए मध्यक्रम र तल्लोक्रमका ब्याटरलाई रनरेटको बिना दबाब खेल्न सहज हुन्थ्यो । अनि नेपालले उक्त लक्ष्य विना दबाब पूरा गर्न सक्थ्यो ।
कुनैपनि टोलीले ३ सय माथिको योगफल पूरा गर्न सुरुवात उत्कृष्ट गर्नुपर्छ । तर नेपालको सुरुवात ७.१ ओभरमा ३४.३ को (कुशल भुर्तेल १७, आसिफ शेख ८ र रोहित पौडेल ३) थियो ।
सुरुवात नै खराब हुनु हारको एउटा कारण बन्यो । कुशल भुर्तेलले राम्रो सुरुवातको सम्भावना देखाएपनि आसिफ शेखसँग तालमेल गर्न नसक्दा रन आउटको रुपमा विकेट फ्याँलेका थिए । उक्त रन आउटको दबाबमा आसिफ पनि धेरै समय क्रिजमा टिक्न सकेनन् ।
एक रनमा अमूल्य जीवनदान पाएपनि म्याकेन्जी जोन्सको बलमा बोल्ड आउट भए । कप्तान रोहित पौडेल केही खराब सट खेल्दै आएका थिए ।
३ ठूलो इनिङ खेल्नबाट चुक्नु
खराब सुरुवातको बाबजुद चौथो विकेटलाई आरिफ शेख र भीम सार्कीले १ सय १० बलमा ९४ रनको महत्वपूर्ण साझेदारी गर्दै नेपाललाई खेलमा जितको आशामा कायमै राखेका थिए । आरिफ शेख ३९ र भीम सार्की ७३ रनमा आउट हुँदै ठूलो इनिङ खेल्नबाट चुके ।
गुलशन झा ११ रनमा आउट भएपछि नेपाल ३५.४ ओभरमा १८३.६ को अवस्थामा थियो । लगभग आशा मारेको खेललाई दीपेन्द्र र सोमपालले सातौं विकेटलाई १ सय ७ रनको शतकीय साझेदारी गर्दै सहज जितनजिक पुर्याएका थिए । तर दुबै ब्याटर जिताएर नफर्किदा नेपालले हार्न पुग्यो ।
दीपेन्द्र र सोमपाल मध्य एकले खेल जिताएर फर्किनु पर्ने थियो । निकै दबाबको अवस्थाबाट सहज परीस्थितीमा दुबैले लामो सट खेल्न खोज्दा विकेट फ्याल्न पुगेका थिए । यी दुबै खेलाडीले सम्हालिएर खेलेको भए नेपालले सहज जित निकाल्न सक्थ्यो ।
४. करनले दबाब थेग्न नसक्नु हारको कारण
सोमपाल र दीपेन्द्रको आउट हुँदा पनि नेपाल जित नजिक पुगेको थियो । अन्तिम ओभरमा नेपाललाई ६ बलमा मात्रै ७ रन चाहिँएको थियो । क्रिजमा करण केसी ७ बलमा १५ र सन्दीप लामिछाने २ रनमा थिए । करनले सम्हालिएर खेलेको भए खेलको नतिजा नेपालको पोल्टामा आउथ्यो ।
पहिलो खेलमा स्कटल्याण्डलाई हराउन करणले उत्कृष्ट प्रदर्शन गरेका थिए । ४९ ओभरको पहिलो बलमा करणले दुई रन ताने। त्यसपछि बाउन्सरमा दोस्रो बल डट भयो। तेस्रो बल पनि बाउन्सर थियो । उक्त बाउन्सर बल पुल गर्ने धुनमा करण फाइन लेगमा म्याकेन्जी जोन्सले क्याच लिए ।
त्यो क्याच मात्रै थिएन, नेपालले जितेको खेल पनि स्कटल्याण्डलाई दिएको थियो । किनभने त्यसपछि क्रिजमा आएका ललित राजवंशी बलरले कुन बल फ्याँकी रहेको छ त्यो पनि बुझ्दैँनन् । अन्तिम बलमा ललित बोल्ड भएका थिए । यी कमजारीहरुले नेपालले जितेको खेल पनि हार्न पुगेको हो ।
-
युएस खबर
अमेरिका
थप सामाग्री
ट्रेन्डिङ
-
माओवादीको समर्थनमा देउवा प्रधानमन्त्री !
२०८२ असार ६ गते
-
अमेरिकाको डालस र सान फ्रान्सिस्कोमा…
२०८२ असार ४ गते
-
नेपाललाई ५० वर्ष पुग्ने मिथेन…
२०८२ असार ७ गते
-
इरानकै सरकारी टीभीबाट इरानीलाई सरकारविरुद्ध…
२०८२ असार ५ गते
-
भिजिट भिसा प्रकरण : उच्चस्तरीय…
२०८२ असार ६ गते
