हमासले रिहा गर्यो अन्तिम अमेरिकी इजरायली बन्धक
-
युएस खबर - २०८२ बैशाख ३० गते
अक्टोबर २०२३ देखि गाजामा बन्धक बनाइएका अमेरिकी इजरायली एडन अलेक्ज्याण्डरको आफ्नो परिवारसँग पुनर्मिलन भएको छ।
अलेक्ज्याण्डरलाई गाजामा १९ महिनासम्म बन्धक बनाइएको थियो। अक्टोबर ७, २०२३ मा हमासले इजरायलमा आक्रमण गरेको थियो। सो समय २१ वर्षीय अलेक्ज्याण्डर गाजा सीमामा रहेको विशेष सैन्य एकाइमा काम गरिरहेका थिए।
एडन अलेक्ज्याण्डरको जन्म इजरायलको तेल अभिभमा भएको थियो तर उनको हुर्काइ अमेरिकाको न्यु जर्सीमा भएको थियो।सोमबार इजरायलले उनको रिहाइ सुरक्षित गर्न गाजामा केही घण्टाको लागि सैन्य कारबाही रोकेको थियो।
अमेरिकी राष्ट्रपति डोनाल्ड ट्रम्पको मंगलबार मध्यपूर्व भ्रमण अघि सम्भावित नयाँ युद्धविराम सम्झौताको बारेमा सकारात्मक सन्देश पठाउन यो रिहाइ गरिएको बीबीसी समाचारमा उल्लेख छ।
अलेक्ज्याण्डर हमासद्वारा हिरासतमा रहेका अन्तिम जीवित अमेरिकी नागरिक मानिन्छन्। राष्ट्रपति ट्रम्पले उनी रिहाइ भएपछि उनको परिवारलाई बधाई दिएका छन्।
हमासले पहिले अलेक्ज्याण्डरको रिहाइको उद्देश्य गाजा पट्टीमा मानवीय सहायता प्रवेश गर्न अनुमति दिने सम्झौता सुरक्षित गर्नु भएको बताएको थियो।
-
युएस खबर
अमेरिका
थप सामाग्री
ट्रेन्डिङ
-
माओवादीको समर्थनमा देउवा प्रधानमन्त्री !
२०८२ असार ६ गते
-
अमेरिकाको डालस र सान फ्रान्सिस्कोमा…
२०८२ असार ४ गते
-
नेपाललाई ५० वर्ष पुग्ने मिथेन…
२०८२ असार ७ गते
-
इरानकै सरकारी टीभीबाट इरानीलाई सरकारविरुद्ध…
२०८२ असार ५ गते
-
भिजिट भिसा प्रकरण : उच्चस्तरीय…
२०८२ असार ६ गते
