अमेरिका र चीनबीच व्यापार सम्झौता

अमेरिकाले चीनसँग व्यापार सम्झौता गरेको छ। ह्वाइट हाउसले जेनेभामा भएको यो सम्झौताको घोषणा गरेको हो।यो सम्झौता राष्ट्रपति डोनाल्ड ट्रम्पको प्रशासनका लागि ठूलो उपलब्धि मानिएको छ।

यसले लामो समयदेखि चलिरहेको व्यापार युद्धलाई कम गर्न महत्त्वपूर्ण भूमिका खेल्न सक्ने विश्वास गरिएको छ। दुवै देशले आज संयुक्त विज्ञप्ति जारी गरेर सम्झौताको विवरण सार्वजनिक गर्ने तयारी गरेका छन्।

अमेरिकी अर्थमन्त्री स्कट बेसेन्टका अनुसार अमेरिका र चीनले व्यापार सम्झौतामा उल्लेखनीय प्रगति गरेका छन्। यस सम्झौताबारे राष्ट्रपति डोनाल्ड ट्रम्पलाई जानकारी दिइएको छ। यसको विवरण सोमबार जारी गरिनेछ।

उनले भने, ‘अमेरिका हाल १२०० अर्ब डलरको व्यापार घाटामा छ। यही कारणले गर्दा अमेरिकाका राष्ट्रपतिले शुल्क लगाउने घोषणा गरेका थिए।’

गत महिना ट्रम्प प्रशासनले चिनियाँ सामानमा १४५ प्रतिशत र चीनले अमेरिकी सामानमा १२५ प्रतिशत कर लगाएपछि विश्वका दुई ठूला अर्थतन्त्रबीचको करिब छ खर्ब डलरको द्विपक्षीय व्यापार ठप्प भएको छ। यसले विश्व बजारमा अनिश्चितता बढाएको छ।

यो वार्ता ट्रम्पको दोस्रो कार्यकालमा चीनसँगको पहिलो प्रत्यक्ष भेटवार्ता हो। उनले पदभार ग्रहण गरेदेखि नै विश्वभर कर युद्ध तीव्र बनाएका छन्।

चीनको वाणिज्य मन्त्रालयले यो सम्झौताको प्रस्तावलाई मूल्याङ्कन गरिरहेको उल्लेख गर्दै अमेरिकाले सम्झौताका लागि उच्च कर हटाउनुपर्नेमा जोड दिएको छ। यो सम्झौताले विश्व बजारमा स्थिरता ल्याउने अपेक्षा गरिएको छ। तर कर दरमा ठोस सहमति नभएकोले केही अनिश्चितता कायमै छ।

अमेरिका

थप सामाग्री

रास्वपा सांसद तोसिमा कार्की अमेरिकामा, नेपाली समुदायसँग…

२०८२ असार ७ गते

इरान-इजरायल युद्ध रोक्ने प्रयासमा ३ युरोपेली देश,…

२०८२ असार ६ गते

अमेरिकाले इरानमाथि आक्रमण गर्न सक्ने, आक्रमण योजनाको…

२०८२ असार ५ गते

अमेरिकाको डालस र सान फ्रान्सिस्कोमा कन्सुलेट कार्यालय…

२०८२ असार ४ गते

ट्रम्प भन्छन्: तेहरान खाली तुरुन्तै गर्नुपर्छ

२०८२ असार ३ गते

बंकरमा लुकेर ज्यान जोगाउँछन् इजरायलमा रहेका नेपाली

२०८२ असार २ गते