प्रचण्डले संसदमा बोल्दा सत्ता पक्षका सांसदले पनि टेबल ठोकेपछि…
-
युएस खबर - २०८२ बैशाख २२ गते
प्रतिनिधिसभा अर्थात संसदको रोष्टमबाट विपक्षी सांसदले बोल्दा सत्ता पक्षका सांसदले टेबल ठोक्दैनन् । किनकी विपक्षी सांसदहरुले सरकारको आलोचना गरिरहेका हुन्छन् । तर, सोमबार संसद बैठकमा फरक दृश्य देखियो ।
प्रमुख प्रतिपक्षी दल नेकपा माओवादी केन्द्रका अध्यक्ष पुष्पकमल दाहाल प्रचण्डले संसदमा विद्युत प्राधिकरणबाट कुलमान घिसिङलाई हटाएकोबारे सरकारको आलोचना गरिरहेका थिए । साथै प्रचण्डले कुलमानलाई समर्थन गरेको झोकमा आफ्नै मन्त्रीलाई पनि निष्कासित गरेर प्रधानमन्त्रीले दम्भ देखाएको बताए ।
प्रचण्डले यसो भन्दै गर्दा राज्यमन्त्रीबाट बर्खास्तीमा परेका कांग्रेस सांसद पूर्णबहादुर तामाङ (कान्छाराम) ले हात उठाए । र, प्रचण्डको समर्थनमा टेबल ठोके । सत्ता पक्षका सांसद कान्छारामले प्रचण्डले बोलेको प्रति समर्थन जनाउदै टेबल ठोकेपछि सत्ता पक्षको लाइनको अगाडि बसेका ओलीको अनुहारमा भने आक्रोश देखिन्थ्यो ।
तर, कान्छारामले झन झन टेबल ठोक्न थालेपछि कांग्रेसकै सांसद पनि आक्रोशित बनेका थिए । प्रधानमन्त्री ओलीले विद्युत प्राधिकरणको कार्यकारी निर्देशकबाट कुलमानलाई हटाउदा कान्छारामले नहटाउन सुझाव दिएका थिए । तर, ओलीले कुलमानलाई हटाएर आफ्ना नजिकका पात्र हितेन्द्रदेव शाक्यलाई विद्युत प्राधिकरणको निर्देशक बनाए । त्यसपछि भने कान्छाराम सार्वजनिक रूपमै प्रधानमन्त्री ओलीको आलोचनामा उत्रिए ।
आफ्नो आलोचनामा उत्रिएपछि प्रधानमन्त्री ओलीले पनि कान्छारामलाई राज्यमन्त्रीबाट हटाएका हुन् । आफूलाई मन्त्रीबाट हटाएपछि कान्छाराम झनै ओलीको विरोधमा उत्रिएका छन् । अब उनले संसदमा पनि सत्ता पक्षको भन्दा पनि विपक्षले उठाएका एजेण्डामा समर्थन जनाइरहेका छन् । कान्छारामको हर्कतले प्रधानमन्त्री ओलीलाई भने निकै पिरोलिरहेको छ ।
-
युएस खबर
अमेरिका
थप सामाग्री
ट्रेन्डिङ
-
माओवादीको समर्थनमा देउवा प्रधानमन्त्री !
२०८२ असार ६ गते
-
अमेरिकाको डालस र सान फ्रान्सिस्कोमा…
२०८२ असार ४ गते
-
नेपाललाई ५० वर्ष पुग्ने मिथेन…
२०८२ असार ७ गते
-
इरानकै सरकारी टीभीबाट इरानीलाई सरकारविरुद्ध…
२०८२ असार ५ गते
-
भिजिट भिसा प्रकरण : उच्चस्तरीय…
२०८२ असार ६ गते
