दर्ता नगरी अमेरिकामा ३० दिनभन्दा बढी बसे जेल सजाय 

अमेरिकामा ३० दिनभन्दा बढी समय बसोबास गर्ने विदेशी नागरिकले विदेशी दर्ता ऐनअन्तर्गत अनिवार्य दर्ता गर्नुपर्ने भएको छ। दर्ता नगरे जरिवाना, जेल सजाय वा दुवै हुन सक्ने चेतावनी दिइएको छ।

प्रेस सचिव क्यारोलिन लाभेटले शुक्रबार भनिन्, ‘आज अप्रिल ११ दर्ताको अन्तिम मिति हो। ३० दिनभन्दा बढी समयदेखि अमेरिकामा रहेका सबै विदेशीले संघीय सरकारमा दर्ता गर्नुपर्छ। यो पालना नगर्नु अपराध हो, जसको सजाय जरिवाना, जेल वा दुवै हुन सक्छ।’

उनले राष्ट्रपति ट्रम्प र गृह सुरक्षा सचिव क्रिस्टी नोएमको भनाइ उद्धृत गर्दै थपिन्, ‘दर्ता नगर्ने विदेशी पक्राउ पर्नेछन्, जरिवाना तिर्नुपर्नेछ, देश निकाला गरिनेछ र कहिल्यै अमेरिका फर्कन पाउने छैनन्।’

गृह सुरक्षा विभागको अप्रिल ११ को प्रेस विज्ञप्तिअनुसार ३० दिन वा सोभन्दा बढी समयदेखि दर्ताबिना अमेरिकामा रहेका विदेशीले तुरुन्तै दर्ता गर्नुपर्नेछ। 

अप्रिल ११ पछि अमेरिका आउने विदेशीले आगमनको ३० दिनभित्र दर्ता गर्नुपर्ने नियम छ। सचिव नोएमले भनेकी छन्, ‘राष्ट्रपति ट्रम्प र मेरो सन्देश स्पष्ट छ: गैरकानूनी रूपमा अमेरिका बस्नेले तुरुन्त देश छोड्नुपर्छ।’ 

अमेरिका

थप सामाग्री

ट्रम्प प्रशासनविरुद्ध हार्वर्ड विश्वविद्यालयको मुद्दा

२०८२ बैशाख ९ गते

ट्रम्पविरुद्ध अमेरिकाभर फेरि प्रदर्शन

२०८२ बैशाख ७ गते

अमेरिकाबाट ३ नेपाली ‘डिपोर्ट’

२०८२ बैशाख ७ गते

अमेरिकामा ५० प्रतिशत भारतीय विद्यार्थीको भिसा रद्द

२०८२ बैशाख ६ गते

यमनको बन्दरगाहमा अमेरिकाको भीषण हवाई हमला, ३८…

२०८२ बैशाख ५ गते

मेलोनी-ट्रम्प भेटवार्ता, अमेरिका र युरोपबीच व्यापार सम्झौताको…

२०८२ बैशाख ५ गते