कुवेतमाथि नेपालको सानदार जित

 नेपालले हङकङमा जारी चारदेशीय टी-२० आई सिरिजमा लगातार दोस्रो जित दर्ता गरेको छ । आज बिहान भएको खेलमा नेपालले कुवेतमाथि ६ विकेटको रोमाञ्चक जित निकालेको हो ।

पहिलो खेलमा बुधबार नेपालले कतारलाई आठ विकेटले पराजित गरेको थियो । कुवेतले दिएको १८६ रनको लक्ष्य नेपालले १८.५ ओभरमा ४ विकेट गुमाउँदै पूरा गरेको हो ।

नेपालका लागि ओपनरद्वय कुशल भुर्तेल र आशिफ शेखले उत्कृष्ट इनिङ खेले । कुशलले ५० बलमा ६ चौका र ६ छक्काको मदतमा ८१ रनको अर्धशतकीय पारी योगदान गरे । यस्तै, ३८ बलमा ४ छक्काको मदतमा ५३ रन जोडे ।

ओपनरद्वय नै आउट भएपछि खेल कुवेततिर ढल्किएको थियो । तर, दीपेन्द्रसिंह ऐरीले १२ बलमै ३१ रन जोडेर नेपाललाई जिततर्फ फर्काएका थिए । सो क्रममा उनले २ चौका र ३ छक्का प्रहार गरे ।

त्यसपछि क्रिज सम्हाल्न आएका गुलसन झाले ३ बल खेलेर २ चौकाको मदतमा ९ रन जोडे । त्यसअघि नेपालले टस जितेपछि ब्याटिङको निम्तो पाएको कुवेतले निर्धातिर २० ओभरमा ८ विकेट गुमाउँदै १८५ रन जोडेको हो । कुवेतका ओपनर क्लिन्टो एन्टोले ३० बलमा ४ चौका र २ छक्काको मदतमा ४१ रन जोडे । यसैगरी अर्का ओपनर रविजा सन्दारुवान १५ बलमै २६ रन बनाएर आउट हुँदा मिट भावासरले ३५ रन जोडे ।

विलाल ताहिरले १३ बलमा ४ छक्काको मदतमा ३२ रन जोड्दा कप्तान मोहम्मद अस्लाम १७ रनमा समेटिए । बलिङमा नेपालका सोमपाल कामीले ३ विकेट लिए भने नन्दन यादवले २ विकेट तथा कुशल भुर्तेल र ललित राजवंशीको नाममा एकएक विकेट रह्यो ।

यो चारदेशीय टी–२० आई सिरिजको तेस्रो खेल हो ।  सिरिजमा प्रत्येक टोलीले प्रत्येकसँग खेल्नेछ । शीर्ष दुईमा रहने टोलीले फाइनल खेल्नेछन् ।

अमेरिका

थप सामाग्री

ट्रम्प प्रशासनविरुद्ध हार्वर्ड विश्वविद्यालयको मुद्दा

२०८२ बैशाख ९ गते

ट्रम्पविरुद्ध अमेरिकाभर फेरि प्रदर्शन

२०८२ बैशाख ७ गते

अमेरिकाबाट ३ नेपाली ‘डिपोर्ट’

२०८२ बैशाख ७ गते

अमेरिकामा ५० प्रतिशत भारतीय विद्यार्थीको भिसा रद्द

२०८२ बैशाख ६ गते

यमनको बन्दरगाहमा अमेरिकाको भीषण हवाई हमला, ३८…

२०८२ बैशाख ५ गते

मेलोनी-ट्रम्प भेटवार्ता, अमेरिका र युरोपबीच व्यापार सम्झौताको…

२०८२ बैशाख ५ गते