सन्दीपसहित पाँच खेलाडी ग्रेड ‘ए’ मा, मासिक एक लाख
-
युएस खबर संवाददाता - २०८१ फाल्गुन २९ गते
काठमाडौँ । नेपाल क्रिकेट संघ (क्यान)ले नेपाली पुरुष तथा महिला क्रिकेट खेलाडीको वर्गीकरण गरेको छ। क्यानले गरेको नयाँ वर्गीकरणमा पुरुषतर्फ ग्रेड ‘ए’मा रोहित पौडेल, दीपेन्द्रसिंह ऐरी, सन्दीप लामिछाने, सोमपाल कामी र आसिफ शेख गरी ५ खेलाडीलाई समावेश गरिएको छ।
गत वर्गीकरण हुँदा सन्दीप लामिछाने निलम्बनमा थिए। उनीबाहेक कप्तान रोहित, सोमपाल, करण, दीपेन्द्र, आसिफ र कुशल भुर्तेल ‘ए’वर्गीकरणमा थिए। अनिल शाह भने यसअघि डी मा थिए। ग्रेड ‘बी’मा करण केसी, कुशल भुर्तेल, गुल्शन झा, ललितनारायण राजवंशी र अनिल शाह गरी ५ खेलाडी छन्।
यसअघि बी श्रेणीमा रहेका कुशल मल्ल, आरिफ सेख र अविनाश बोहोराको पनि घटुवा भएका छन्। तीनजना सी मा घटुवा हुँदा बोहोरा डी मा झरेका छन्। यस्तै, ग्रेड ‘सी’मा सन्दीप जोरा, आरिफ शेख, भीम सार्की र कुशल मल्ल गरी चार जना छन्। विनोद भण्डारी र अर्जुन साउद वर्गीकरणमा नपर्दा प्रतिश जीसी एक तह घटुवा भएर डी मा पुगेका छन्।
ग्रेड ‘डी’मा सागर ढकाल, लोकेस बम, साहब आलम, आकाश चन्द, विवेक यादव, सूर्य तामाङ, रिजन ढकाल, देव खनाल, बसिर अहमद, प्रतिस जिसी, अविनाश बोहरा छन्।क्यानले इमर्जिङ क्याटागोरीमा अर्जुन घर्ती, हेमन्त धामी, दिपेश कँडेल, रुपेश सिंह, अर्जुन कुमाल, शुभ कंसाकार र सन्तोष यादव लाई राखेको छ।
पुरुषतर्फ ग्रेड ‘ए’मा रहेका खेलाडीलाई मासिक एक लाख, ग्रेड ‘बी’कालाई ७० हजार, ग्रेड ‘सी’कालाई ५५ हजार, ग्रेड ‘डी’कालाई मासिक ३५ हजार र इमर्जिङ क्याटगोरीमा रहेका खेलाडीलाई मासिक २५ हजार रुपैयाँ तलब उपलब्ध गराइने क्यानले जनाएको छ।
-
युएस खबर संवाददाता
अमेरिका
थप सामाग्री
ट्रेन्डिङ
-
नारायणहिटी छोड्दा पूर्वराजासँग ५५ मिनेट…
२०८१ फाल्गुन २७ गते
-
अमेरिकाले आफ्ना नागरिकलाई भन्यो: भारत-पाकिस्तान…
२०८१ फाल्गुन २५ गते
-
कास्कीमा बिहानै भूकम्पको धक्का
२०८१ फाल्गुन २७ गते
-
नारायणहिटीमा राजा : यी चार…
२०८१ फाल्गुन २५ गते
-
पूर्वराजाको काठमाडौँमा इन्ट्री, ओली उपत्यका…
२०८१ फाल्गुन २५ गते
