युक्रेन युद्धविराममा अगाडि बढ्न तयार छ : अमेरिका

काठमाडौँ । अमेरिकाले युक्रेन रुससँग युद्धविराम सम्झौताका लागि तयार रहेको दाबी गरेको छ।

बीबीसीका अनुसार अमेरिकी विदेश विभागका एक वरिष्ठ अधिकारीले युक्रेनी नेतृत्व रुससँग युद्धविरामका लागि ‘अगाडि बढ्न तयार’ रहेको विश्वास ट्रम्प प्रशासनलाई रहेको दाबी गरेका हुन्।

अमेरिकी विदेशमन्त्री मार्को रुबियो र राष्ट्रिय सुरक्षा सल्लाहकार माइक वाल्ट्ज आफ्ना युक्रेनी समकक्षीहरूसँग वार्ता गर्न मंगलबार साउदी अरेबिया जाँदै छन् ।

अमेरिकाका राष्ट्रपति डोनाल्ड ट्रम्पले युक्रेनका राष्ट्रपति भोलोदिमिर जेलेन्स्कीलाई रुससँग तत्काल युद्धविराम गर्न दबाब दिइरहेका छन्। तर ट्रम्पले युक्रेनलाई अमेरिकी सुरक्षा ग्यारेन्टीका विषयमा अहिलेसम्म कुनै वाचा गरेका छैनन्।

गत फेब्रुअरी २८ तारिख ह्वाइट हाउसमा ट्रम्प र जेलेन्स्कीबीच चर्काचर्की परेको थियो। त्यतिबेला ट्रम्पले जेलेन्स्की शान्ति नचाहने आरोप लगाएका थिए।

तर पछि जेलेन्स्कीले विवाद गरेकामा पश्चाताप गर्दै ट्रम्पसँग सम्बन्ध सुधार गर्ने प्रयास गरिरहेका छन्। त्यसयता ट्रम्पले रुस र युक्रेनबीच शान्ति वार्ता गराउन पहल गरिरहेका छन्।

रुसले २०२२ फेब्रुअरीदेखि युक्रेनमा आक्रमण गरिरहेको छ र युक्रेनको लगभग २० प्रतिशत भाग कब्जा गरेको छ।

अमेरिका

थप सामाग्री

युक्रेनसँग युद्धविरामका लागि पुटिनले राखे सर्त

२०८१ चैत्र १ गते

युरोपको रक्सीमा दुई सय प्रतिशत कर लगाउने…

२०८१ चैत्र १ गते

शान्ति वार्ताका लागि अमेरिकी प्रतिनिधिमण्डल रुस प्रस्थान

२०८१ फाल्गुन २९ गते

अन्टारियोको चेतावनी : क्यानडाविरुद्ध नयाँ शुल्क लगाउन…

२०८१ फाल्गुन २८ गते

युक्रेन र अमेरिकाबीच सहमति: रुससँग ३० दिन…

२०८१ फाल्गुन २८ गते

युक्रेन युद्धविराममा अगाडि बढ्न तयार छ :…

२०८१ फाल्गुन २६ गते