कतारमा अवैध रुपमा बसेका नेपालीलाई खुसिको कुरा !

कतारमा अवैध रुपमा बसेका नेपालीहरुलाई खुसिको कुरा । अमेरिकाले धमाधम अवैध नागरिकलाई धमाधम देश निकाला गरिरहेका बेला कतारले भने अवैध विदेशी नागरिकलाई आममाफि दिने घोषणा गरेको छ । सन् २०२२ को विश्वकप आयोजनाको जिम्मा पाएको कतारले नेपाल सहित विभिन्न देशबाट गैरकानुनी रुपमा कामदार लिएको थियो । अन्तर्राष्ट्रिय मानवधिकारवादी संघ संस्था र विभिन्न देशको दबावका कारण कतारले अहिले अवैधानिक भएर बसेका विदेशी नागरिकलाई आफ्नो देश फर्कन माफी दिने घोषणा गरेको हो ।

आजदेखि तीन महिनासम्मका लागि उक्त व्यवस्था लागू गरिएको कतारको आन्तरिक मन्त्रालयले जनाएको छ । एक सार्वजनिक घोषणा गर्दै फेब्रुअरी ९ देखि लागु हुने आममाफी ३ महिनासम्म रहने जनाएको हो । कतारी आइडीको म्याद सकिएर लामो समयसम्म नवीकरण नगरेका, कम्पनी छोडेर भागेर लुकीछिपी काम गरिरहेका तथा भिसाको नियम पालना नगरेकाहरूलाई आफ्नो देश फर्कन आग्रह गर्दै आममाफी दिने जनाएको हो ।

३ महिनाको अवधिमा अवैध नागरिकहरुले बिना जरिवाना तथा बिना जेल सजाय घर फर्कन पाउनेछन् । सरकारले उपलब्ध गराएको यो सुविधा लिन चाहने व्यक्तिहरू हमाद अन्तर्राष्ट्रिय विमानस्थल वा सल्वा रोडमा रहेको सर्च एन्ड फिलो अप डिपार्टमेन्टमा दिउँसो १ बजेदेखि बेलुका ९ बजे भित्र गएर निवेदन दिनुपर्नेछ । यो आममाफीबाट गैरकानुनी हैसियतमा रहेका धेरै नेपालीहरू लाभान्वित हुने जनाइएको छ। कतारले सन् २००९ मा लागू गरेको आप्रवासी कामदर समबन्धी कानुन नम्बर ४ अनुसारका कामदारलाई आममाफी दिनेछ । तर, आममाफी सुविधा लिएर स्वदेश फर्किने कामदार २ वर्षसम्म फेरि कतारमा जान पाउने छैनन् । कतार सरकारले यसअघि सन् २००४ मा आममाफी प्रक्रिया चलाएको थियो ।