अक्षर: सृष्टिको आधार र मानव जीवनमा यसको महत्त्व

ऋषि यज्ञवल्क्यले भनेका छन्, “अक्षर ब्रह्म हो।” अक्षरमा तीव्र सृजनात्मक शक्ति मात्र होइन, विनाश गर्ने क्षमता पनि निहित छ। यही कारण अक्षर सृष्टिको आधार मानिन्छ। अक्षर र शब्दले मानव सभ्यतालाई सहज बनाउनुका साथै जीवन सञ्चालनको मार्गदर्शन पनि गरेका छन्। मानिस सृष्टिका उत्कृष्ट प्राणी मात्रै नभई, सबैभन्दा जिम्मेवार प्राणी पनि हो। सृष्टिकर्ताले मानवलाई सृष्टि सञ्चालन र संवर्द्धनका लागि जिम्मेवारी सुम्पेका छन् र यसलाई सहज बनाउनका लागि आवश्यक ज्ञान, विज्ञान, भाषा, वेद, पुराण र आयुर्वेदजस्ता सम्पत्ति प्रदान गरेका छन्।

यी सबै ज्ञानराशीभित्र हस्ताक्षर विज्ञान पनि एउटा महत्वपूर्ण विधा हो। यो विधा पुरातन आर्य ऋषिहरूद्वारा विकसित भए पनि आधुनिक युगमा यसको अध्ययन र विश्लेषणलाई फ्रान्समा “ग्राफोलोजी” (Graphology) को रूपमा विस्तार गरिएको छ। हस्ताक्षर विज्ञानले व्यक्तिको स्वभाव, मानसिकता, रक्षात्मकता, र क्षमता पहिचान गर्न महत्वपूर्ण योगदान पुर्‍याउँछ।

हस्ताक्षर विज्ञान भनेको के हो?

हस्ताक्षर विज्ञान व्यक्ति आफ्नो दैनिक जीवनमा प्रयोग गर्ने प्राकृतिक अक्षरहरूको अभिव्यक्तिबाट व्यक्तित्व, मानसिकता, र मनोवैज्ञानिक अवस्थाको अध्ययन र विश्लेषण गर्ने विधा हो। यसको प्राचीन इतिहास भृगु ऋषि, पराशर ऋषि र वशिष्ठ ऋषिहरूको अध्ययन र अनुसन्धानसँग जोडिएको छ।

हस्ताक्षर विज्ञानका फाइदाहरू

1. आर्थिक सुदृढीकरण: हस्ताक्षरको विश्लेषणबाट व्यक्तिको आर्थिक चेतनाको अवस्था पहिचान गरी आर्थिक स्थिरता र प्रगतिको मार्ग प्रशस्त गर्न सकिन्छ।

2. मानसिक स्वास्थ्य सुधार: मानसिक तनाव घटाउन र आत्मविश्वास बढाउन हस्ताक्षर विज्ञानले महत्वपूर्ण भूमिका खेल्छ।

3. व्यक्तित्व विकास: यो विधाले मानिसको सकारात्मक गुणहरूको पहिचान र विकास गर्न सहयोग पुर्‍याउँछ।

4. संबन्ध सुदृढीकरण: पारिवारिक तथा सामाजिक सम्बन्ध सुधार गर्न, प्रेम सम्बन्धलाई बलियो बनाउन, र सही व्यक्ति पहिचान गर्न हस्ताक्षर विज्ञान उपयोगी छ।

कर्पोरेट र संस्थागत उपयोग

बैंक, वित्तीय संस्था, र कर्पोरेट क्षेत्रले हस्ताक्षर विज्ञानको माध्यमबाट कर्मचारीको क्षमता पहिचान गर्न, सही ठाउँमा सही व्यक्ति नियुक्त गर्न, र दक्षता विकास गर्न प्रयोग गर्न सक्छन्।

कुन उमेर समूहका लागि उपयोगी?

हस्ताक्षर विज्ञान विशेष गरी १८ देखि ४५ वर्षका व्यक्तिहरूका लागि उपयोगी छ। विद्यार्थी, कर्मचारी, चिकित्सक, वकिल, बैकर, राजनीतिज्ञलगायत सबैले यसको लाभ लिन सक्छन्।

जीवनमा थप आयाम

मानव जीवनलाई सहज र प्रगतिशील बनाउने अनेक विधा छन्, र हस्ताक्षर विज्ञान पनि त्यसमध्ये एक हो। यसले व्यक्तिको जीवनको गुणस्तर वृद्धि गर्न, क्षमता पहिचान गर्न, र जीवनलाई सही दिशा दिन महत्वपूर्ण भूमिका खेल्न सक्छ।

यस विषयप्रति चासो बढ्दै गएको आधुनिक समाजले यसलाई थप अनुसन्धन र अभ्यासको क्षेत्र बनाउँदै लैजानु आवश्यक छ। ।

अमेरिका

थप सामाग्री

लस एंजलसमा बृहत कार्यक्रम आयोजना गरिदैँ

२०८१ फाल्गुन ५ गते

इन्ट्रा फाउन्डेसनका संचालक दिल्ली अधिकारी विरुद्ध अमेरिकी…

२०८१ फाल्गुन ३ गते

मोदी र ट्रम्पबिच भेट, के भयो छलफल…

२०८१ फाल्गुन २ गते

अमेरिका पुगे मोदी, ट्रम्पसँग भेटवार्ता गर्ने

२०८१ फाल्गुन १ गते

ट्रम्पले हजारौँ मानिसलाई नर्क पुगाउने, शनिबारसम्म वीपिन…

२०८१ माघ २९ गते

हमासलाई ट्रम्पको अहिलेसम्मकै ठुलो चेतावनी

२०८१ माघ २९ गते