मैदानमा सुदूरपश्चिम र लुम्बिनी, सुदूरपश्चिमले दियो १८८ रनको लक्ष्य
-
युएस खबर संवाददाता - २०८१ मंसिर २२ गते
जारी नेपाल प्रिमियर लिग (एनपीएल) मा सुदूरपश्चिम रोयल्स र लुम्बिनी लायन्स प्रतिस्पर्धा गरिरहेको छ । पहिले ब्याटिङ गरेको सुदूपश्चिमले लुम्बिनीलाई १८८ रनको लक्ष्य दिएको छ ।
कीर्तिपुरस्थित त्रिवि क्रिकेट मैदानमा टस हारेर पहिले ब्याटिङको निम्तो पाएको सुदूरपश्चिमले निर्धारित २० ओभरमा ४ विकेटको क्षतिमा १८७ रनको योगफल तयार पारेको हो ।
सुदूरपश्चिम रोयल्सका लागि सैफ जैबले सर्वाधिक ९० रनको योगदान दिए । ६१ बल खेलेका जैबले ६ चौका र ५ छक्का प्रहार गरेका थिए । यस्तै, ब्रान्डन म्याकमुलेनले २३ र विनोद भण्डारीले १७ रन जोड्दा आरिफ शेष शून्य रनमै पभिलियन फर्किएका थिए । यस्तै, कप्तान दीपेन्द्रसिंह ऐरी ३९ र स्कट ११ रनमा अविजित रहे ।
लुम्बिनीका लागि रामन सिमण्ड्सले २ तथा रोहित पौडेल र विवेक यादवले समान १-१ विकेट लिए ।
लुम्बिनीले टस जितेर फिल्डिङ रोजेपछि सुदूरपश्चिमले सुरुमा ब्याटिङको निम्तो पाएको हो । सुदूरपश्चिम रोयल्स लगातार तेस्रो जित हात पार्ने र लुम्बिनी पहिलो जित निकाल्ने दाउमा छ ।
लुम्बिनी यसअघि लगातार दुई खेलमा पराजित भएको छ । लम्बिनी विराटनगर किंग्ससँग २ विकेट र पोखरा एभेन्जर्ससँग १० विकेटले पराजित भएको थियो ।
-
युएस खबर संवाददाता
अमेरिका
थप सामाग्री
ट्रेन्डिङ
-
मनकारी पाण्डे जस्ले दिए मन्दिरको…
२०८१ माघ ८ गते
-
अमेरिकामा बन्द भयो टिकटक, कारण…
२०८१ माघ ६ गते
-
श्री एयरलाइन्सले उडान ढिला गरेपछि…
२०८१ माघ ६ गते
-
चितवनमा एक युवालाई कुटपिट गर्ने…
२०८१ माघ ७ गते
-
यु–१९ महिला विश्वकपमा नेपाल स्कटल्याण्डसँग…
२०८१ माघ ७ गते
