डालसमा तिन नेपाली संस्थाको रक्तदान कार्यक्रम, एकैदिन ११० जनाले गरे रक्तदान

अमेरिकाको टेक्सस डालसमा कृयासील तिन नेपाली सामाजिक संस्थाले एकै दिन रक्तदान कार्यक्रम सम्पन्न गरेका छन् । रक्तदान कार्यक्रममा ११० जनाले रक्तदान गरेका थिए ।

गत आईतबार डालसको बिभिन्न ठाउँमा आयोजना गरिएको रक्तदानमा डिफडब्लु बासी नेपालीको उल्लेखिय सहभागीता देखिएको थियो । लुम्बिनी सेवा समाज अमेरिकाको आयोजनामा पशुपती मन्दिर युलेसमा, लायन्स क्लब(District 2-X1) ले अर्भिंगको नर्थगेट चर्चमा र प्रवासी नेपाली मञ्च टेक्सासले युलेसको ठमेल रेस्टुरेन्टमा रक्तदान कार्यक्रम आयोजना गरेका थिए । बल्ड डोर्नर्स अफ अमेरिकाको सहकार्यमा आयोजित कार्यक्रममा डालसबासी नेपालीले रक्तदान गरेका थिए । लुम्बिनी सेवा समाज अमेरिकाले आयोजना गरेको रक्तदानमा २४ जना, लायन्स क्लब (District 2-X1)ले आयोजना गरेको रक्तदानमा ४६ जना र प्रवासी नेपाली मञ्च टेक्सासले आयोजना गरेको रक्तदानमा ४० जना गरि ११० जनाले एकै दिन रक्तदान गरेको ब्लड डोनर्स अफ अमेरिकाका बरिष्ठ उपाध्यक्ष शिब काफ्ले जानकारी दिएका छन् ।

रक्तदान कार्यक्रमको लागि कार्टर ब्लड केयरले प्राबिधिक सहयोग गरेको थियो भने संस्थाले साथै सबै रक्तदाताहरुलाई न्यानो ब्लाङकेट समेत उपलब्ध गराएको थियो । आयोजक सँस्थाहरुले रक्तदाताहरुलाई प्रमाण पत्र बितरण गरेका थिए । रक्तदाता सबैलाई आयोजक संस्थाहरुले धन्यवाद ज्ञापन समेत गरेका छन् ।