डालसमा आज कबवेभको लाईभ कन्सर्ट

नेपाली पप संगितको चर्चित ब्याण्ड कबवेभको आज अर्थात शनिबार टेक्ससको डालस लाईभ कन्सर्ट आयोजना हुदैछ । टेक्ससको डालस अर्भिंगमा रहेको ह्यांगआउट रेस्टुरेन्ट एण्ड स्पोर्ट बारमा लाईभ कन्सर्ट आयोजना हुन गईरहेको हो ।
दामी इन्टरटेन्टमेन्ट, ह्यांगआउट इन्टरटेन्टमेन्ट र नमस्ते इन्टरटेन्टमेन्टको संयुक्त आयोजना कन्सर्ट हुन लागेको हो । कार्यक्रमलाई डालसको चर्चित परोपकारी फाउण्डेसन अमर क्षेत्री फाउण्डेसनले सहकार्य गरेको छ । कन्सर्ट साँझ ७ बजे सुरु हुनेछ भने गेस्ट ब्याण्डमा नियर मिरर र सोउलसिंकको समेत प्रस्तुती रहने आयोजक मध्येका एक नमस्ते इन्टरटेन्टमेन्टका निर्देशक कुमार बुढाथोकीले जानकारी दिएका छन् ।

चर्चित ब्याण्ड कबवेभका मार्यो नि मार्यो नि, मरसेडिज् बेन्ज जस्ता लोकप्रिय गितहरु रहेका छन् । कबवेभ युवापुस्ता माझ निकै लोकप्रिय ब्याण्ड हो भने अहिले ब्याण्डले युएस म्युजिकल टुर गरिरहेको छ र सोही क्रममा आज डालसमा आफ्नो प्रस्तुती दिन लागेको हो ।

आजको कार्यक्रम सफल बनाउन अलिबाबा हुक्का लाउन्ज, फ्रिस्को बेसक्याम्प, मन्त्र रेस्टुरेन्ट फोर्टवर्थ, बोम्वई सिजरल र नमस्ते प्यालेसले सहयोग गरेका छन् । कार्यक्रमको प्रचार प्रसारको लागी नोभेम्वर २१ मा फ्रिस्को बेसक्याम्पमा र नोभेम्वर २२ मा मन्त्र रेस्टुरेन्टमा मिट एण्ड ग्रिट आयोजना गरिएको थियो भने ब्याण्ड र कार्यक्रममा सहयोग गर्ने सबैको सम्मानमा नोभेम्वर २४ आईतबार अलिबाबा हुक्का लाउन्जमा एप्रिसेसन पार्टी आयोजना गरिएको छ ।