विश्व क्रिकेटकै सर्वाधिक सफल खेलाडी धवन एनपीएल खेल्न नेपाल कसरी आइपुगे ?

विश्व क्रिकेटकै सर्वाधिक सफल खेलाडी शिखर धवन एनपीएल खेल्न नेपाल कसरी आइपुगे आज हामी यही विषयमा चर्चा गर्नेछौँ । भारतको राष्ट्रिय टिमबाट खेलिसकेर एनपीएल खेल्न आउने उनी पहिलो भारतीय क्रिकेटर हुन् । ३८ वर्षीय बायाँ हाते ओपनर धवनले भारतसँगै आईपिएलको दिल्ली क्यापिटल्स, मुम्बई इन्डियन्स, सनराइजर्स हैदरावाद र पञ्जाव किंग्सबाट खेलेका छन् । उनी विश्व क्रिकेटकै सर्वाधिक सफल खेलाडीमा चिनिन्छन् ।

उनले सन् २०१६ मा हैदरावादलाई आईपिएल जिताएका थिए । त्यस्तै, भारतलाई एसिसी एसिया कपको उपाधि जिताएका छन् । कर्णाली याक्समा अनुबन्ध भएका धवनले भारतको लागि ३२ टेष्टमा दुई हजार तीन सय १३ रन बनाएका छन् । १६७ एकदिवसीय खेलमा ६ हजार ७ सय ९३ रन बनाएका छन् । त्यस्तै, ६८ टी २० अन्तर्राष्ट्रिय खेलमा एक हजार ७ सय ५९ रन बनाएका छन् । विश्वकै चर्चित  र ग्ल्यामरस लिग आईपीएलमा सर्वाधिक रन बनाउनेमा धवन विराट कोहलीपछि दोस्रो स्थानमा छन् ।

धवन नेपाल प्रिमीएर लिगमा कर्णाली याकबाट खेल्ने भएसँगै क्रिकेटप्रेमीमाझ चर्चा विषय बनिरहेको छ । धवनको आगमनले कर्णाली याक्सलाई मात्रै नभई नेपाली क्रिकेट र खेलाडीलाई फाइदा पुग्ने विश्वास गरिएको छ । धवनले पनि एनपीएलमा कर्णाली याक्सबाट खेल्न उत्साहित भएको बताएका छन् । सम्झौता अनुसार धवनले कर्णाली याक्सबाट चारवटा खेल खेल्नेछन् । उनले कर्णाली याक्सबाट खेल्नकाे लागी एक खेलकाे ४० लाख लिएकाे बुजीएकाे छ । धवनसँग सम्झौता गर्न कर्णाली याक्सका मालिक झनकदत्त खनाल र निर्देशक गृहेन्द्र घिमिरे भारत पुगेका थिए । भारतका लागि कार्यवाहक राजदूत सुरेन्द्र थापासँग पनि धवनको विषयमा कुराकानी भएको थियो । अनि मिति तय गरेर धवनसँग सम्झौता गर्न कर्णाली याक्सको टोली भारत गएको थियो । 

टिमको मार्की खेलाडीमा राष्ट्रिय टिमका तिव्रगतिका बलर सोमपाल कामी छन् । यस्तै टोलीमा राष्ट्रिय टोलीबाट खेलिरहेका गुल्शन झा, देव खनालसहित नन्दन यादव छन् । अन्य खेलाडीमा ‘बी’ श्रेणीबाट अर्जुन घर्तीसहित रित गौतम, मौसम ढकाल र भुवन कार्की छन् । ‘सी’ श्रेणीबाट दीपेन्द्र रावत र युनिशविक्रम सिंह ठकुरीसँगै दीपक डुम्रे छन् ।

यसअघि कर्णाली याक्सले कलाकार स्वस्तिमा खड्कालाई ‘फेस अफ कर्णाली याक्स’ नियुक्त गरेको छ । प्रतियोगिता मंसिर १५ देखि पुस ६ सम्म हुँदैछ । नेपाल प्रिमियर लिग एनपीएलको पहिलो खेल विराटनगर किङ्ग्स र जनकपुर बोल्टबीच हुने छ भने अनुसार दोस्रो खेल काठमाडौँ गोर्खा र चितवन राइनोज् र जनकपुर बोल्टस् र कर्नाली याक्सबीच हुनेछ। तेस्रो खेल सुदुरपश्चिम रोयल्स र बिराटनगर किङग्स तथा चितवन राइनोज् र पोखरा एभेन्जर्सबीच हुनेछ। चौथो खेल कर्नाली याक्स र काठमाडौँ गोर्खा अनि बिराटनगर किङस् र लुम्बिनी लायन्सबीच हुनेछ। पाँचौ खेल पोखरा एभेन्जर्स र जनकपुर बोल्ट तथा काठमाडौँ गोर्खा र सुदुरपश्चिमबीच हुनेछ।

अमेरिका

थप सामाग्री

सानफ्रान्सिस्कोमा गोल्डेन नेपाली फिल्म अवार्ड हुने

२०८१ मंसिर २३ गते

अमेरिकामा एक विद्यार्थीको विभत्स हत्या

२०८१ मंसिर १६ गते

सुगर ड्याडिको भनाईमा लागेर दुइ छोराको ज्यान…

२०८१ मंसिर १६ गते

अमेरिकामा सुरक्षाको गम्भिर चिन्ता, प्रहरिलाई ड्युटिमा नै…

२०८१ मंसिर १६ गते

डालसमा तिन नेपाली संस्थाको रक्तदान कार्यक्रम, एकैदिन…

२०८१ मंसिर १२ गते

अमेरिकामा महँगी अझै बढ्ने चिन्ता, आयात शुल्क…

२०८१ मंसिर १२ गते