एनपीएलको उद्घाटनमा खेलमा विराटनगर र जनकपुरबीच कडा प्रतिष्पर्धा

नेपाल प्रिमियर लिग एनपीएलको पहिलो खेल विराटनगर र जनकवुरबीच हुने भएको छ। सोमबार सार्वजनिक भएको खेल तालिका अनुसार मंसिर १५ मा उद्घाटन हुने प्रतियोगिताको पहिलो खेल विराटनगर किङ्ग्स र जनकपुर बोल्टबीच हुने भएको हो।

त्रिवि क्रिकेट मैदान कीर्तिपुरमा १२ स् १५ मा हुने खेलको प्रत्यक्ष प्रशारण स्टार स्पोर्टले गर्ने छ। सोमबार सार्वजनिक भएको खेल तालिका उद्घाटन र फाइनल बाहेक हरेक दिन दुई खेल हुनेछ। खेलको बीचमा एक दिनको ग्याप राखिएको छ। पहिलो खेल ९: १५ मा र दोस्रो खेल १: १५ मा राखिएको छ ।

अनुसार दोस्रो खेल काठमाडौँ गोर्खा र चितवन राइनोज् र जनकपुर बोल्टस् र कर्नाली याक्सबीच हुनेछ। तेस्रो खेल सुदुरपश्चिम रोयल्स र बिराटनगर किङग्स तथा चितवन राइनोज् र पोखरा एभेन्जर्सबीच हुनेछ।

चौथो खेल कर्नाली याक्स र काठमाडौँ गोर्खा अनि बिराटनगर किङस् र लुम्बिनी लायन्सबीच हुनेछ। पाँचौ खेल पोखरा एभेन्जर्स र जनकपुर बोल्ट तथा काठमाडौँ गोर्खा र सुदुरपश्चिमबीच हुनेछ।