“प्रहेलिकाको अंग्रेजी अनुवाद “हर इनोसन्स डिस्कभर्ड”प्रकाशित

अर्जुन प्रधान
जे.एन. दाहालद्वारा लिखित चर्चित नेपाली उपन्यास “प्रहेलिका” अब अंग्रेजीमा “हर इनोसन्स डिस्कभर्ड” शीर्षकमा प्रकाशित भएको छ। यो उपन्यासले साहित्य परिषद् भूटानद्वारा क्यानाडामा आयोजित सम्मेलनमा हिमटिका आख्यान पुरस्कार जितेको थियो। त्रिभुवन विश्वविद्यालयका प्राध्यापक डा. बलराम अधिकारीले यस पुस्तकलाई कुशलतापूर्वक अंग्रेजीमा अनुवाद गरेका छन्।

उपन्यासले अनुष्का नामकी एक महिलाको कथा प्रस्तुत गर्छ, जसले आफ्नो विवाहको सुरुवाती समयमा पतिसँग भावनात्मक रशारीरिक सम्बन्धमा जोडिन संघर्ष गर्छिन्। आत्म-अन्वेषणको यस यात्रामा उनले आफ्नो अलैङ्गिकतालाई स्वीकार गर्दै त्यसले उनको पहिचानमा पार्ने प्रभावलाई बुझ्न थाल्छिन्। अनुष्काको कथासँगै मिसेस शर्माको संघर्षलेलैंगिक विभेद र मानसिक जटिलताहरूको झलक दिन्छ, जसले पहिचान, सम्बन्ध र व्यक्तिगत विकासको जटिलतालाई अझै जीवन्तबनाउँछ।

जे.एन. दाहाल एक प्रतिष्ठित लेखक हुन् जसले कथा, निबन्ध, र यात्रा संस्मरणहरू प्रकाशित गरेका छन्। उनको कथा सङ्ग्रह”लेखककी छोरी”ले सन् २०२२ मा अनेसास उत्कृष्ट डायस्पोरा पुस्तक पुरस्कार जितेको थियो। अनुवादक डा. अधिकारीले मौलिकपाठको सांस्कृतिक र भावनात्मक गहिराईलाई बचाएर अंग्रेजी भाषी पाठकहरूलाई नेपाली पृष्ठभूमिको विशिष्टता झल्काउने प्रयास गरेका छन्।

हर इनोसन्स डिस्कभर्ड अहिले अनलाइ मार्फत ईबुक, पेपरब्याक र हार्डकभर फर्म्याटहरूमा एमेजन, बुकटोपिया,
बोकस र बार्न्स एन्डनोबलजस्ता प्रमुख प्लेटफर्महरूमा उपलब्ध छ।

पुस्तक विवरण:
•शीर्षक:हर इनोसन्स डिस्कभर्ड
•प्रारूपहरू: हार्डकभर ($25.00), पेपरब्याक ($15.00)
•प्रिन्ट लम्बाइ: २४४ पृष्ठ
•भाषा: अंग्रेजी
•प्रकाशक: ड्र्यागन हर्स

अमेरिका

थप सामाग्री

जेलेन्स्कीले शान्तिवार्ता बिगारेको ट्रम्पको आरोप

२०८२ बैशाख ११ गते

अमेरिकाले बन्द गर्‍यो एमसीसी

२०८२ बैशाख ११ गते

नेजाले भर्जिनियामा मनायो १८औं स्थापना दिवस

२०८२ बैशाख १० गते

ट्रम्प प्रशासनविरुद्ध हार्वर्ड विश्वविद्यालयको मुद्दा

२०८२ बैशाख ९ गते

ट्रम्पविरुद्ध अमेरिकाभर फेरि प्रदर्शन

२०८२ बैशाख ७ गते

अमेरिकाबाट ३ नेपाली ‘डिपोर्ट’

२०८२ बैशाख ७ गते