अमेरिका निवासी पत्रकार चापागाईको ‘अरबमा घाम छ’ सार्वजनिक
-
युएस खबर संवाददाता - २०८१ आश्विन ६ गते
अमेरिका निवासी पत्रकार तथा गितकार सतिश चापागाइँको नयाँ गीत ‘अरबमा घाम छ’ सार्वजनिक भएको छ । वैदेशिक रोजगारीको बाध्यतामा केन्द्रित रहेर तयार पारिएको गीत युट्युब च्यानलमार्फत सार्वजनिक गरिएको हो ।
सञ्जीव बराइलीको स्वर रहेको गीत ‘अरबमा घाम छ’मा संगीत दीप घतानीको छ । शब्दरचना सतिश चापागाइँको छ ।
गीतले नेपाली युवाले देशमा भोगिरहेको बढ्दो बेरोजगारी समस्यालाई चित्रण गरेको छ । एकातिर बेरोजगारीका कारण काम नपाउने, पाए पनि वर्षौंसम्म पैसा नपाउने समस्यालाई सतिसले गीतमा उतारेका छन् ।
यही बाध्यतालाई समेटेर तयार पारिएको उनको गीतको हुकलाइनले भन्छ–
अरबमा घाम छ कसलाई पो था’छैन ।
अरबमै काम छ नगइ भा’छैन ।
गीतको यो स्थायीले भनेको अहिलेको आम नेपाली युवाले भोग्दै आएको समस्या हो । खाडी मुलुकमा चर्को घामबीच काम गर्नुपर्ने भए पनि आफू र परिवारका लागि जानै पर्ने बाध्यतालाई गीतमा भनिएको छ ।
अरब गएपछि जस्तोसुकै भए पनि काम पाइहाल्ने सत्यता बताउने गीतले नेपालमा बेरोजगार बस्नुपर्ने अवस्थालाई उजागर गरेको छ ।
बाआमा बुढी बच्चा मेरै भरमा,
वर्षौं भयो पटेभरी खाना पा’छैन ।
स्वदेश भनेर बस्दा परिवार र आफ्नो पेट भोकभोकै हुने अस्थालाई गीतमार्फत बताइएको छ ।
गीतको भिडियो पनि तयार पारिएको छ । विशाल थापाले खिचेको भिडियो सम्पादन विभोर पोखरेलले गरेका छन् । निर्देशन पनि पोखरेलले नै गरेका छन् ।
भिडियोमा दीप घतानी, सिमा क्षेत्री र मिरेश अधिकारी अभिनय रहेको छ । चापागाई अमेरिकाबाट संचालीत नेप्लिज डायस्पोराका प्रधान सम्पादक समेत हुन् ।
-
युएस खबर संवाददाता
अमेरिका
थप सामाग्री
ट्रेन्डिङ
-
नेपाल आईडल करण परियारको पहिलो…
२०८१ आश्विन २० गते
-
क्यानडाको दोस्रो रोजाइको टिमविरुद्ध नेपालको…
२०८१ आश्विन २० गते
-
लायन्स क्लब इन्टरनेशनल डिस्ट्रिक्टद्वारा पहिरो…
२०८१ आश्विन २० गते
-
रहेन टाटा कम्पनीका मालिक रतन…
२०८१ आश्विन २३ गते
-
प्रकाशमान सिंह राउत प्रधानन्यायाधीश नियुक्त
२०८१ आश्विन २० गते
