अमेरिकामा नेपालको जस्तै झल्को दिने दशै महोत्सव हुदै

नेपाली कला संस्कृतीलाई अमेरिकामा प्रवद्र्धन गर्ने उद्देश्यले नेपालको जस्तै झल्को दिने दशै महोत्सवको आयोजना गरिएको छ । अक्टोबर ५ तारिकमा मनानस प्रीन्स काउन्टी क्षेत्रमा नेपालका चर्चित कलाकारको प्रस्तुतिले अमेरिकाको डिसि क्षेत्र झुम्ने भएको छ ।
महोत्सवमा चर्चित गायिका मिलन नेवार, प्रमोद खरेल, समिक्षा अधिकारी, अन्जु पन्त साथमा निमा रुम्बाको व्याण्डको पनि विशेष प्रस्तुति रहनेछ ।
दशै महोत्सवको मुख्य प्रायोजन ओनेस्ट रियल स्टेटले गरेको छ भने महोत्सवको व्यवस्थापन ३ ई इन्टरटेन्टमेन्टले गरेको छ । महोत्सवमा ५ बर्षको बच्च देखि सम्पुर्ण उमेर समुहका कलाकारको विशेष प्रस्तुती रहने आयोजकले जनाएको छ । महोत्सवको प्रवेश शुल्क १५ डलर तोकिएको छ भने भिआएपी टिकट १०० डलर तोकिएको छ ।
त्यसैगरि १० देखि मुनि र ६५ बर्ष भन्दा माथिका व्यक्तिहरुलाई प्रवेश शुल्क नलिने आयोजक प्रकास सापकोटाले बताएका छन् ।
महोत्सवको रोचक पक्ष चिट्ठाको पनि रहेको सापकोटाले बताए । उनका अनुसार हरेक कलाकारको प्रस्तुती सँगै अन्य प्रदशनीहरुले पनि महोत्सव विशेष हुने छ ।
नेपाली संस्कृतिक झल्किने सम्पुर्ण पोशाक, गरगहना, खानाका परिकार दशैका लागि आवश्यक पर्ने सम्पुर्ण नेपाली सरसमान, चंगा फेस्टिबल, दिनभरि भरपुर रमाइलोका लागि पनि महोत्सव नछुटाउन आयोजक सापकोटा अनुरोध गर्छन् ।
महोत्सवमा घरेलु हिंसाबाट पिडित व्यक्तिलाई गोप्य रुपमा मनोबैज्ञानिक परामर्श दिने व्यवस्था समेत मिलाइएको छ ।