दोस्रो पटक आफुमाथि आक्रमण भएपछि ट्रम्पले भने – मलाई चुनावी मैदानबाट कसैले हटाउन सक्दैन

पूर्व अमेरिकी राष्ट्रपति डोनाल्ड ट्रम्पमाथि फेरि हत्याको प्रयास गरिएको छ । आइतबार फ्लोरिडाको वेस्ट पाम बीचस्थित ट्रम्प इन्टरनेशनल गोल्फ क्लबमा उनीमाथि गोली चलाइएको हो ।
ट्रम्प क्लबको गोल्फ कोर्समा २७५ देखि ४५५ मिटरको दुरिमा उभिएका थिए । सो क्रममा उनिमाथि गाली चलाएको हो । उनका सुरक्षाकमीले तत्काल चारदेखि पाँच राउन्ड फाएर समेत गरेका थिए ।
घटनास्थलमा केही शंकास्पद सामानहरु पनि भेटिएका छन् । एक एके – ४७ शैलीको हतियार, स्कोप, दुईओटा व्याकप्याक र एक गोप्रो घटनास्थलमा फेला परेका छ ।
त्यस्तै प्रहरीले घटनामा संलग्न रहेको आरोपमा एकजना युवकलाई पक्राउ गरेको छ । उनको विवरण भने हालसम्म सार्वजनिक गरिएको छैन ।
घटनालगत्तै ट्रम्पलाई सुरक्षित स्थानमा सारिएको छ । उनलाई कुनै चोटपटक भने लागेको छैन ।
ट्रम्पले आफ्ना समर्थकहरुलाई आफु सकुसल रहेको बताएका छन् । उनि भन्छन् – ‘ मेरो वरिपरि गोलीको आवाज सुनिएको थियो । तर म सुरक्षित छु’
त्यस्तै ट्रम्पले आफुलाई चुनावी मैदानबाट कसैले हटाउन नसक्ने बताएका छन् । उनले भने – ‘चुनावी मैदानबाट मलाई कसैले हटाउन सक्दैन, म आत्मसर्मपन गर्दिन’

केही महिना अघि मात्रै पेन्सिलभेनियामा पनि उनिमाथि आक्रमण भएको थियो । ट्रम्पको कानमा गोली लागेको थियो भने एक दर्शकको मृत्यु भएको थियो ।
अ‍ेमेरिकामा राष्ट्रपतिको चुनाव नजिकिदै गर्दा ट्रम्पमाथि बारम्बार भएको आक्रमणलाई चासोका साथ हेरिएको छ ।