तनहुँ बस दुर्घटना अपडेटः मृत्यु हुनेको संख्या २७ पुग्यो
-
युएस खबर संवाददाता - २०८१ भाद्र ७ गते
तनहुँको आँबुखैरेनी गाउँपालिका २ ऐनापहारा नजिक मंगलबार बिहान भएको भीषण बस दुर्घटनामा कम्तीमा २७ जनाको मृत्यु भएको छ भने १६ जना गम्भीर घाइते भएका छन्।
पोखराबाट काठमाडौंका लागि छुटेको ४३ जना सवार यूपी ५३ एफटी ७६२३ नम्बरको बस बिहान ऐना पहरानजिकबाट मर्स्याङ्दीमा खसेको थियो ।
दुर्घटनामा गम्भीर घाइते १६ जनालाई उपचारका लागि नेपाली सेनाको हेलिकप्टरमार्फत काठमाडौं पठाइएको छ भने बाँकी सबैको मृत्यु भएको तनहुँका प्रमुख जिल्ला अधिकारी जनार्दन गौतमले जानकारी दिए ।
‘गम्भीर घाइते १६ जनालाई हेलिकप्टरमार्फत दुई पटक गरेर काठमाडौं पठाइयो भने बाँकी सबैको मृत्यु भयो,’ तनहुँका सीडीओ गौतमले भने, ‘सुरुमा १४ जनाको मृत्यु भएको र पछि १३ जना गरी २७ जनाको मृत्यु भएको हो ।’
मृत्यु हुने सबैको शव आँबुखैरेनी गाउँपालिकामा राखिएको छ भने दुर्घटनार अवस्थाबारे भारतीय राजदूतावासमार्फत पनि जानकारी गराइएको छ । तनहुँका सीडीओ गौतमका अनुसार बाँकी प्रक्रियाकाबारे टुंगो लागिसकेको छैन ।
भदौ ४ गते बेलहिया नाकाबाट ८ दिनको रुट परमिट लिएर नेपाल भित्रिएको थियो । उनीहरु २ दिन पोखराको स्पोर्ट्स होटलमा बसेर काठमाडौं हिँडेको थिए ।
दुर्घटनामा परेको बस भारतबाट आएका पर्यटक बोकेको थियो। उक्त बस भदौ ४ गते बेलहिया नाकाबाट ८ दिनको रुट परमिट लिएर नेपाल भित्रिएको थियो। पर्यटकहरू २ दिन पोखराको स्पोर्ट्स होटलमा बसेर काठमाडौंतर्फ लागेका थिए।
-
युएस खबर संवाददाता
अमेरिका
थप सामाग्री
ट्रेन्डिङ
-
राष्ट्र बैङ्कले दशैँमा नयाँको सट्टा…
२०८१ भाद्र १९ गते
-
ममता काफ्ले घटना प्रकरणमा नयाँ…
२०८१ भाद्र २३ गते
-
मुना हत्या प्रकरण : छोरीको…
२०८१ भाद्र २० गते
-
अमेरिकाको जर्जियामा गोली चल्दा चार…
२०८१ भाद्र २० गते
-
प्रेमीले पेट्रोल खन्याएर आगो लगाउँदा…
२०८१ भाद्र २० गते
