नेपालको अर्थतन्त्र चुनौतीपूर्ण अवस्थामा, विकासका लागि नयाँ स्रोत खोजी

उपप्रधान तथा अर्थमन्त्री विष्णुप्रसाद पौडेलले नेपालको अर्थतन्त्रले उच्च व्यापार घाटा, सुस्त आर्थिक वृद्धि र विकास सहायतामा कमीजस्ता चुनौतीहरू सामना गरिरहेको बताउनुभएको छ। मंगलबार आयोजित एक कार्यक्रममा बोल्दै उहाँले यी चुनौतीहरूले गर्दा विकासका लागि आवश्यक स्रोत जुटाउन कठिन भएको बताउनुभयो।

अर्थमन्त्री पौडेलका अनुसार, नेपालको आन्तरिक राजस्व परिचालन क्षमता कमजोर छ भने सार्वजनिक ऋणको भार बढ्दै गएको छ। यसले गर्दा विकासका लागि आवश्यक खर्च कटौती गर्नुपर्ने बाध्यता सिर्जना भएको छ।

त्यस्तै सरकारले निजी क्षेत्रलाई लगानी गर्न प्रोत्साहन गर्ने नीति लिएको छ। रोजगारी सिर्जना,विदेशी लगानी भित्र्याउने, जलवायु परिवर्तनसँग जुध्ने लगायतका कुराहरूमा सरकारकाे विशेष जाेड रहेकाे छ ।

विज्ञहरूका अनुसार नेपालले आन्तरिक स्रोतको प्रभावकारी परिचालन, निजी क्षेत्रको सक्रिय सहभागिता र अन्तर्राष्ट्रिय सहयोगलाई बढावा दिनुपर्ने आवश्यकता छ।

नेपालको अर्थतन्त्र अहिले चुनौतीपूर्ण अवस्थामा छ। तर, यसलाई अवसरको रूपमा पनि लिन सकिन्छ। सरकारले प्रभावकारी नीति अवलम्बन गरेर अर्थतन्त्रलाई गतिशील बनाउन सक्छ।

नेपालको अर्थतन्त्रलाई सुधार गर्न सबै पक्षको सहकार्य आवश्यक छ। सरकार, निजी क्षेत्र र नागरिक समाजले मिलेर काम गरेमा मात्रै नेपालले आर्थिक समृद्धि हासिल गर्न सक्छ।