गोरखामा डेंगु प्रकोप बढ्दै, लार्भा खोज अभियान सञ्चालन

गोरखा जिल्लामा डेंगु र स्क्रब टाइफसको प्रकोप बढ्दै गएको छ । जिल्ला स्वास्थ्य कार्यालयका अनुसार पछिल्ला दुई महिनामा ५२९ जनामा डेंगु र ११४ जनामा स्क्रब टाइफसको संक्रमण पुष्टि भएको छ ।

विशेष गरी असार र साउन महिनामा डेंगु संक्रमणका बिरामी बढेका छन् । आरुघाट गाउँपालिकामा सबैभन्दा धेरै १६४ जनामा डेंगु संक्रमण देखिएको छ । यस्तै, पालुङटार नगरपालिकामा १२३, गोरखा नगरपालिकामा १६९ जनामा संक्रमण पुष्टि भएको छ ।

वर्षायाममा पानी जम्ने विभिन्न स्थानमा एडिस जातको पोथी लामखुट्टेले फुल पार्ने र यसैबाट डेंगु फैलिने गर्छ । गोरखामा प्लास्टिकका भाँडा, टायर, गमला आदिमा जम्मा भएको पानीका कारण लामखुट्टेको प्रजनन बढेको अनुमान गरिएको छ ।

डेंगु संक्रमित हुँदा उच्च ज्वरो, टाउको दुख्ने, आँखाको गेडी दुख्ने, मांसपेशी दुख्ने, शरीरमा बिबिरा आउने जस्ता लक्षण देखापर्छन् । केही बिरामीमा रक्तस्राव हुने समस्या समेत देखिन सक्छ ।

डेंगु नियन्त्रणका लागि आरुघाट गाउँपालिकाले लार्भा खोज र नष्ट गर्ने अभियान सञ्चालन गरेको छ । स्वास्थ्यकर्मी, युवा क्लब र स्थानीयबासीको सहभागितामा पानी जम्ने स्थानहरूको सरसफाइ गरी लार्भा नष्ट गरिएको छ ।

डेंगु नियन्त्रणका लागि के गर्ने?