६२ जनालाई बोकेको विमान ब्राजिलको साओ पाउलोमा दुर्घटनाग्रस्त
-
युएस खबर संवाददाता - २०८१ श्रावण २५ गते
५८ यात्रु र चार चालक दलका सदस्यसहितको एउटा विमान ब्राजिलको साओ पाउलो राज्यमा दुर्घटनाग्रस्त भएको छ।
यो दुई इञ्जिन भएको टर्बोप्रोप विमान दक्षिणी राज्य परानाबाट साओ पाउलो शहरको मुख्य विमानस्थलमा जाँदै गर्दा विन्हेडो भन्ने शहरमा खसेको हो, भोपास एयरलाइन्सले जनाएको छ।
सामाजिक सञ्जालमा फैलिएका फुटेजहरूले विमानलाई ठाडो रूपमा तल झर्दै, मडारिँदै खसिरहेको देखाएका छन्।
“दुर्घटना कसरी भयो र विमानमा सवार व्यक्तिहरूको वर्तमान स्थिति के हो भन्ने पुष्टि अझै भएको छैन,” एयरलाइन्सले एक विज्ञप्तिमा भनेको छ।
स्थानीय अधिकारीहरूले विमान एक आवासीय भवनमा खसेको बताएका छन्।
ब्राजिलको ग्लोबोन्यूज टेलिभिजन नेटवर्कले घरहरूले भरिएको क्षेत्रमा ठूलो भागमा आगो लागेको र धुँवा फैलिएको देखाउने तस्बिरहरू देखाएको छ।
प्रहरी र अग्निनियन्त्रकहरू घटनास्थलमा पुगेका छन् र स्थानीय अस्पतालहरूलाई सचेत गरिएको छ।
ब्राजिलका राष्ट्रपति लुइज इनासियो लुला दा सिल्भाले आफू सहभागी भएको एक कार्यक्रममा एक मिनेट मौन धारण गरेका छन्।
-
युएस खबर संवाददाता
अमेरिका
थप सामाग्री
ट्रेन्डिङ
-
राष्ट्र बैङ्कले दशैँमा नयाँको सट्टा…
२०८१ भाद्र १९ गते
-
ममता काफ्ले घटना प्रकरणमा नयाँ…
२०८१ भाद्र २३ गते
-
अमेरिकाको जर्जियामा गोली चल्दा चार…
२०८१ भाद्र २० गते
-
प्रेमीले पेट्रोल खन्याएर आगो लगाउँदा…
२०८१ भाद्र २० गते
-
मुना हत्या प्रकरण : छोरीको…
२०८१ भाद्र २० गते
