अमेरिकामा नेपाली मूलकी नर्स ममता काफ्ले बेपत्ता, खोजी कार्यमा सघाउन प्रहरीको अपिल

अमेरिकाको भर्जिनिया राज्यको मनाससबाट नेपाली मूलकी नर्स ममता काफ्ले सम्पर्कविहीन भएकी छन् । उनी विगत ८ दिन देखि हराइरहेकी छन् । बेपत्ता नर्स काफ्लेको खोजी कार्यमा सघाउन प्रहरीले अपिल गरेको छ । भर्जिनिया राज्यको मनासस सहर स्थित मनासस पार्क प्रहरीले सूचना जारी गर्दै समुदायलाई उनी हराएको बारेमा सहयोगको लागि अपिल गरेको हो ।

उनी बेपत्ता भए पछि नेपाली समुदायले उक्त प्रहरी चौकीलाई उनका नजिकका आफन्त,साथीभाइ र सहकर्मीले अवगत गराएपछि आज प्रहरीले सूचना जारी गरेको हो । मनासस पार्क प्रहरीले सामाजिक सञ्जाल मार्फत जारी गरेको सूचनामा उनी जुलाई ३१ ,२०२४ सम्म अन्तिम पटक मनासस पार्क सहरमा देखिएको उल्लेख गरेको छ ।

साथै मनासस पार्क प्रहरीले उनको हुलियाको उल्लेख गर्दै उनी २८ वर्षीय भएको जनाएको छ । र ,उक्त सूचनामा ५ फिट उचाइ भएकी ममताको कालो कपाल र गाडा खैरो आँखा भएको जानकारी दिएको छ ।

साथै प्रहरी चौकीले उक्त सूचनामा लामो समय बेपत्ता भएका कारण ममता अनैच्छिक परिस्थितिमा बेपत्ता भएको देखिन्छ भनी लेखेको छ। मनसास पार्क प्रहरी विभागले ममता काफ्लेको खोजीमा सर्वसाधारणलाई सहयोगको लागि आग्रह गरेको छ। जानकारी भएका जो कोहीलाई ७०३९३६१९११३६ मा मनासस पार्क प्रहरीलाई सम्पर्क गर्न भनिएको छ।