विदेश पढ्न जान गत वर्ष १ लाख १२ हजारले लिए अनुमति

आर्थिक वर्ष २०८०/०८१ मा एक लाख भन्दा बढी नेपाली विद्यार्थीले वैदेशिक अध्ययन अनुमति पत्र (एनओसी) लिएका छन् ।

शिक्षा, विज्ञान तथा प्रविधि मन्त्रालयले सार्वजनिक गरेको १ साउन २०८० देखि ३१ असार २०८१ सम्मको तथ्यांक अनुसार एक लाख १२ हजार ५९३ जनाले एनओसी लिएका हुन् । तथ्यांक अनुसार सबैभन्दा बढी जापानको लागि ३४ हजार ७३१, क्यानडाको लागि १५ हजार ९८२, अष्ट्रेलियाको लागि १४ हजार ३७२ र युकेको लागि १३ हजार ३३९ जनाले एनओसी लिएका छन् ।

यस्तै अमेरिकाको लागि ११ हजार २६१, कोरियाको लागि ६ हजार ८८९, भारतका लागि दुई हजार ३८९ लगायत विभिन्न देशको लागि एनओसी लिएका छन् ।

जापानी भाषा पढ्न ३३ हजारले लिए अनुमति

वैदेशिक अध्ययन अनुमति शाखाको तथ्यांक अनुसार ३३ हजार भन्दा बढीले जापानी भाषा अध्ययनका लागि एनओसी लिएका छन् । तथ्यांक अनुसार ३३ हजार ६९७ जनाले जापानी भाषाको लागि एनओसी लिएका हुन् ।

त्यस्तैगरी २८ हजार ८९१ जनाले व्यवस्थापन विषय अध्ययन गर्नका लागि, १० हजार २९ जनाले बिजनेस अध्ययनका लागि, सूचना प्रविधि पढ्नका लागि ५ हजार ९११ जनाले, विज्ञान पढ्नका लागि ५ हजार ३८४ जनाले, कम्प्युटर विज्ञान पढ्नको लागि ४ हजार ९९२ जनाले अनुमति लिएका छन् ।

स्वास्थ्य पढ्नका लागि ४ हजार १५९ जना, विज्ञान प्रविधिको लागि ४ हजार १०२ लगायत विभिन्न विषयमा अध्ययन गर्न जानका लागि वैदेशिक अध्ययन अनुमति पत्र लिएका छन् ।

अमेरिका

थप सामाग्री

ट्रम्प प्रशासनविरुद्ध हार्वर्ड विश्वविद्यालयको मुद्दा

२०८२ बैशाख ९ गते

ट्रम्पविरुद्ध अमेरिकाभर फेरि प्रदर्शन

२०८२ बैशाख ७ गते

अमेरिकाबाट ३ नेपाली ‘डिपोर्ट’

२०८२ बैशाख ७ गते

अमेरिकामा ५० प्रतिशत भारतीय विद्यार्थीको भिसा रद्द

२०८२ बैशाख ६ गते

यमनको बन्दरगाहमा अमेरिकाको भीषण हवाई हमला, ३८…

२०८२ बैशाख ५ गते

मेलोनी-ट्रम्प भेटवार्ता, अमेरिका र युरोपबीच व्यापार सम्झौताको…

२०८२ बैशाख ५ गते