ग्लोबल टी-२० मा ब्राम्पटनविरुद्ध सन्दीप महँगो साबित

नेपाली लेगस्पिनर सन्दीप लामिछाने क्यानडामा जारी चौथो संस्करणको ग्लोबल टी–२० लिगअन्तर्गत ब्राम्पटन वल्भसविरुद्धको खेलमा महँगो साबित भएका छन् । भ्यानभुकर नाइट्सबाट लिग खेलिरहेका उनले आज बिहान सम्पन्न खेलमा महँगो साबित भएका हुन् ।

यस खेलमा भ्यानकुभर ६ विकेटले पराजित भयो ।​ ब्राम्पटनविरुद्ध सन्दीपले तीन ओभर मात्र बलिङको मौका पाए, जसमा उनले एक विकेट लिएर ३९ रन खर्चिए । सन्दीपले आफ्नो पहिलो ओभरको पहिलो बलमै विकेट लिए पनि लय कायम राख्न सकेनन् । उनले उक्त ओभरमा ६ रन दिएर ज्याक जेर्भिसलाई तीन रनमा बोल्ड गरे ।

सन्दीपले दोस्रो ओभरमा एउटा स्टम्पिङको मौका दिए पनि त्यसमा विकेटकिपर चुके । उनले दोस्रो ओभरमा तीन छक्कासहित बिनाविकेट २२ रन खर्चिए । जारी सिजनमा उनले एकै ओभरमा २२ रन खर्चिएको यो पहिलोपटक हो । ब्राम्पटनविरुद्ध तेस्रो ओभरमा सन्दीपले बिनाविकेट ११ रन दिए ।

ग्लोबल टी–२० क्यानडा २०२४ मा उनले चार म्याच खेल्दा ५ विकेट लिएका छन् । सन्दीपले पहिलो र तेस्रोमा एकरएक तथा दोस्रो खेलमा दुई विकेट लिएका थिए । हालसम्म सन्दीपले ग्लोबल टी–२० को इतिहासमा २१ खेलमा २८ विकेट लिएका छन् । ब्राम्पटनविरुद्ध नेपाली अलराउन्डर दीपेन्द्र सिंह ऐरीले भने राम्रो प्रदर्शन गरे ।

यस खेलमा उनले बलिङ र फिल्डिङमार्फत उत्कृष्ट प्रदर्शन गरेका हुन् । ब्राम्पटनविरुद्ध दीपेन्द्रले ब्याटिङमा भने मौका पाएनन् । उनले फिल्डिङमार्फत ब्राम्पटनका कप्तान डेविड वार्नरलाई पाचौं ओभरको अन्तिम बलमा २५ को स्कोरमा रन आउट गरे । यस्तै, बलिङमा दीपेन्द्रले चार ओभरमा बिनाविकेट १८ रन मात्र दिए । उनले आफ्नो पहिलो ओभरमा मात्र एक रन खर्चिए ।

दीपेन्द्रले पावरप्लेमै पहिलो ओभर फाले पनि एक रन मात्र दिएका हुन् । उनले दोस्रो र तेस्रो ओभरमा पाँचरपाँच रन खर्चिए । दीपेन्द्रले चौथो ओभरमा भने ११ रन दिए, जसमा ४ रन बाइको रूपमा समावेश छ । उनले अघिल्लो दुई खेलमा भने बलिङमा मौका पाएका थिएनन् । ती दुई खेलमा दीपेन्द्रले ब्याटिङ भने गरेका थिए । आफ्नो पहिलो खेलमा एक रनमै आउट भएका उनले दोस्रो खेलमा १५ बलमा अविजित ३० रनको इनिङ खेलेका थिए ।

भ्यानकुभरले अब पाँचौं खेलमा शुक्रबार बिहान सर्रे जग्वार्सको सामना गर्नेछ ।

अमेरिका

थप सामाग्री

युक्रेनसँग युद्धविरामका लागि पुटिनले राखे सर्त

२०८१ चैत्र १ गते

युरोपको रक्सीमा दुई सय प्रतिशत कर लगाउने…

२०८१ चैत्र १ गते

शान्ति वार्ताका लागि अमेरिकी प्रतिनिधिमण्डल रुस प्रस्थान

२०८१ फाल्गुन २९ गते

अन्टारियोको चेतावनी : क्यानडाविरुद्ध नयाँ शुल्क लगाउन…

२०८१ फाल्गुन २८ गते

युक्रेन र अमेरिकाबीच सहमति: रुससँग ३० दिन…

२०८१ फाल्गुन २८ गते

युक्रेन युद्धविराममा अगाडि बढ्न तयार छ :…

२०८१ फाल्गुन २६ गते