रुकुम पश्चिममा बाढीले घर बगाउँदा तीन बालिकाको मृत्यु
-
युएस खबर संवाददाता - २०८१ श्रावण १ गते
रुकुम पश्चिमको आठबिसकोट नगरपालिका १२ मा पर्ने तातोपानी बस्तीमा बाढी पसेको छ। गएराति अविरल वर्षापछि आएको बाढीले साढे ११ बजे राति घर बगाउँदा सुतिरहेका तीनजना बालिकाको मृत्यु भएको हो। मृत्यु हुनेमा आठबिसकोट नगरपालिका९ १२ का ८ वर्षीया हितमाया पुन, ५ वर्षीया धनिसा पुन र ४ वर्षीया मनिषा सार्की रहेका नगर प्रमुख रवि केसीले जानकारी दिए।
सोही वडामा पर्ने तातोपानी खोला र झिन्चौर खोलामा आएको बाढीले घर भत्काउदा उनीहरुको मृत्यु भएको हो। बाढीले बगाउँदा सात जना घाइते भएका नगर प्रमुख केसीले बताए। घाइते हुनेमा १० वर्षीय विजय सार्की, २२ वर्षीया अनिसा पुन, २९ वर्षीय जनक खत्री, ६५ वर्षीया मनसरी पुन, ४ वर्षीय मेक्सन पुन, २० वर्षीया धनमाया पुन र ६५ वर्षीया कल्पना कामी रहेको छन्।
उनका अनुसार घाइतेहरुको उपचार भइरहेको छ भने मृतकहरुको शव निकाल्ने प्रयास जारी छ। गए राति साढे ११ बजेको समयमा उक्त घटना घटेको नगरप्रमुख केसीले जानकारी दिए। बिहानैदेखि उद्धारमा प्रहरी, नेपाली सेना र सशस्त्र प्रहरी परिचालन गरिसकेको छ ।
तातोपानी खोला र झिन्चौर खोलामा आएको लेदो सहितको बाढी बस्तीमा पसेर स्थानीयहरुको उठिबास भएको छ । गएराति आएको अविरल वर्षाले पहाड नै भत्किएर लेदो सहितको बाढी बस्तीमा पसेपछि यहाँका नागरिक चिन्तामा परेका छन्। बस्ती नै बगाउने गरेर यस्तो बाढी पहिला आएको थिएन्।’
वध्यक्ष खुम्मे कुसारीले लेदोसहितको बाढी बस्तीमा पस्दा ४० घर जोखिममा परेका बताए। गएराति ११ बजेको समयमा आएको पहिरोसहितको बाढीले ४० घर जोखिममा रहेको जानकारी दिए। उनका अनुसार बगर र तातोपानी स्थानका ४० घर बाढीका कारण जोखिममा परेका छन्।
जोखिममा रहेका ४० घरका स्थानीयहरुलाई सुरक्षीत ठाउँमा सार्ने काम पालिकाले गरिरहेको छ। केही स्थानीयहरुलाई बस्ती नजिकै रहेको काट उद्योग र खुल्ला स्थानमा पालहरु टाँगेर स्थानीयलाई सार्ने काम भइरहेको छ।
-
युएस खबर संवाददाता
अमेरिका
थप सामाग्री
ट्रेन्डिङ
-
अमेरिकाबाट ३ नेपाली ‘डिपोर्ट’
२०८२ बैशाख ७ गते
-
अमेरिकामा ५० प्रतिशत भारतीय विद्यार्थीको…
२०८२ बैशाख ६ गते
-
बुटवलमा एक युवतीमाथि गोली प्रहार
२०८२ बैशाख ६ गते
-
रविले सर्वोच्चमा दिए बन्दी प्रत्यक्षीकरणको…
२०८२ बैशाख ७ गते
-
रविले सुमनालाई शिक्षामन्त्री बनाइदिए, जेल…
२०८२ बैशाख ५ गते
