कास्कीमा एकै परिवारका ७ जनासहित ११ जनाको मृत्यु

कास्कीमा पहिरोले पुरिएर मृत्यु हुनेको संख्या ११ पुगेको छ । पोखरा–महानगरपालिका वडा नम्बर १९ पुरनचौरमा एकै परिवारका ७ जनाको पहिरोमा पुरिएर मृत्यु भएको छ भने पोखरा–३२ चैनपुर र मादी–११ मा बेपत्ता २ जनाको पनि शव फेला परेपछि मृतकको संख्या ११ पुगेको हो ।

पोखरा–३२ स्थित आरती ओझाको घर पहिरोले पुरिँदा १८ वर्षीया अनिता ओझा, ९ वर्षीय प्रतिक सुवेदी र ११ वर्षीया अनुस्का ओझाको पनि शव फेला परेको छ ।

यसैगरी मादी गाउँपालिका वडा नम्बर ११ मा पहिरोमा पुरिएर वेपत्ता भएकी ८० वर्षीया माइतीकुमारी गुरुङको पनि शव फेला परेको प्रहरीले जनाएको छ ।

बिहीबार राति खसेको पहिरोमा पुरिएर पोखरा–१९ पुरन्चौरमा ४७ वर्षीय कुलबहादुर परियार, उनको पत्नी ४३ वर्षीया मनकुमारी, ८५ वर्षीया आमा लक्षिमा, छोरी १५ वर्षीय प्रशना, २० वर्षीया प्रभा, ज्वाइँ २५ वर्षीय अस्मित र तल्लाकोट बस्ने राधिका परियारको ज्यान गएको कास्की प्रहरी प्रवक्ता तथा डिएसपी वसन्तकुमार शर्माले जानकारी दिए ।

सबैको शव पोखरा स्वास्थ्य विज्ञान प्रतिष्ठानमा पोस्टमार्टमका लागि राखिएको छ ।

अमेरिका

थप सामाग्री

युक्रेनसँग युद्धविरामका लागि पुटिनले राखे सर्त

२०८१ चैत्र १ गते

युरोपको रक्सीमा दुई सय प्रतिशत कर लगाउने…

२०८१ चैत्र १ गते

शान्ति वार्ताका लागि अमेरिकी प्रतिनिधिमण्डल रुस प्रस्थान

२०८१ फाल्गुन २९ गते

अन्टारियोको चेतावनी : क्यानडाविरुद्ध नयाँ शुल्क लगाउन…

२०८१ फाल्गुन २८ गते

युक्रेन र अमेरिकाबीच सहमति: रुससँग ३० दिन…

२०८१ फाल्गुन २८ गते

युक्रेन युद्धविराममा अगाडि बढ्न तयार छ :…

२०८१ फाल्गुन २६ गते