रास्वपाले पार्टीको दोस्रो वार्षिकोत्सवमा साताव्यापी कार्यक्रम गर्ने

राष्ट्रिय स्वतन्त्र पार्टी असार ७ मा गठन भएको दुई वर्ष पुग्दैछ । रास्वापाले पार्टीको दोस्रो स्थापना दिवसको अवसरमा साताव्यापीे कार्यक्रम गर्ने भएको छ । १ असार देखि ७ सम्म केन्द्रदेखि वडा तहसम्म विभिन्न कार्यक्रम गर्ने रास्वपाले जनाएको छ ।

रास्वपाले पार्टीको दोस्रो स्थापना दिवसको अवसरमा साताव्यापीे कार्यक्रम गर्ने भए पछि अहिले सामाजिक सञ्जालमा विरोध सुरु भएको छ । सहकारीबाट ठगको पैशाले रास्वापाले उत्सव मनाउन लागेको भन्दै अहिले बिरोध भएको हो । सामाजिक सञ्जालका पोष्टहरुमा धेरैले रास्वपा प्रति नकरात्मक प्रतिक्रिया लेखेका छन् , दोस्रो स्थापना दिवसको दिन पार्टी कार्यालयमा चियापान कार्यक्रम राखिएको छ । राजनीतिक दलका नेता, प्रबुद्ध वर्गलगायतलाई आमन्त्रण गरिएको सहमहामन्त्री एवं संगठन विभाग प्रमुख कविन्द्र बुर्लाकोटीले जानकारी दिए ।

पार्टी स्थापना दिवसका अवसरमा रास्वपाले सञ्चार माध्यमका सम्पादकहरुलाई छुट्टै आमन्त्रण गर्ने भएको छ । सम्पादकसँग पार्टी नेतृत्वले छुट्टै चियापानसहितको छुट्टै कार्यक्रम बनाएको बुर्लाकोटीले जानकारी गराए ।

प्रदेश, जिल्ला, पालिका, वडा कार्यालयहरुमा विभिन्न कार्यक्रमहरु गरी स्थापना दिवस मनाउन केन्द्रले परिपत्र गरेको छ । १ असारमा देखि हालसालै निर्माण सम्पन्न र निर्माणाधिन भौतिक पूर्वाधारका योजनाहरुको अनुगमन गर्ने कार्यक्रम बनाइएको छ । ५ असारमा रक्तदान कार्यक्रम, सार्वजनिक स्थलहरुको सरसफाइ, ६ गते वृक्षारोपण कार्यक्रम राखिएको छ । रक्तदान, सरसफाइ, वृक्षारोपण, मैत्रीपूर्ण खेलकुदजस्ता कार्यक्रम गर्दा सरकारी, गैरसरकारी, निजीक्षेत्र, क्लब, संघसंस्था समुदायसँग समेत सहकार्य गर्न केन्द्रले परिपत्र गरेको छ ।

रास्वपाका सभापति तथा गृहमन्त्री रवि लामिछानेले ग्यालेक्सी टेलिभिजन चलाउने क्रममा सहकारीको रकम गैरकानुनी रूपमा प्रयोग गरेको आरोप लागेको छ। ग्यालेक्सी टिभीका सञ्चालकले गैरकानुनी रूपमा सहकारीबाट लगानी गरेका आरोप उनी माथि छ ।

विशेषगरी पोखराको सूर्यदर्शन सहकारी र बुटवलको सुप्रिम सहकारीबाट करोडौँ रकम ग्यालेक्सी टेलिभिजनको सञ्चालक गोर्खा मिडिया नेटवर्कमा गैरकानुनी रूपमा लगानी भएको आरोप लागेको छ । यस विषयमा छानविन गर्न संसदिय समिति पनि गठन भई सकेको छ । यहि विषयलाई लिएर रास्वपा विवादित र आलोचित बन्दै गएको छ ।

अमेरिका

थप सामाग्री

ट्रम्प प्रशासनविरुद्ध हार्वर्ड विश्वविद्यालयको मुद्दा

२०८२ बैशाख ९ गते

ट्रम्पविरुद्ध अमेरिकाभर फेरि प्रदर्शन

२०८२ बैशाख ७ गते

अमेरिकाबाट ३ नेपाली ‘डिपोर्ट’

२०८२ बैशाख ७ गते

अमेरिकामा ५० प्रतिशत भारतीय विद्यार्थीको भिसा रद्द

२०८२ बैशाख ६ गते

यमनको बन्दरगाहमा अमेरिकाको भीषण हवाई हमला, ३८…

२०८२ बैशाख ५ गते

मेलोनी-ट्रम्प भेटवार्ता, अमेरिका र युरोपबीच व्यापार सम्झौताको…

२०८२ बैशाख ५ गते