कंगनालाई थप्पड हानिएको भिडियो सामाजिक सञ्जालमा भाइरल

बलिउड अभिनेत्री कंगना रनौतमाथि हातपात भएको छ । बलिउड अभिनेत्री तथा भारतीय जनता पार्टी (बीजेपी)बाट नवनिर्वाचित लोकसभा सांसद कंगना रनौतमाथि चण्डीगढ विमानस्थलको सुरक्षार्थ खटिएकी सीआइ एसएफ हवलदार कुलबिंदर कौरले थप्पड हानेकी छन् । चुनाव जितेपछि कंगना दिल्ली जाँदै थिइन् । सामाजिक संजालमा सेयर गरिएका भिडियोमा ती महिला सुरक्षाकर्मीले एयरपोर्टको सुरक्षा घेराभित्रै कंगनालाई थप्पड हानेको देखिन्छ । त्यसपछि कंगनालाई सुरक्षा दिएर लगिएको छ ।

कंगनाले हालैका दिनमा किसान आन्दोलनबारे दिएका अभिव्यक्तिलाई लिएर ती महिला सुरक्षाकर्मी आक्रोशित भएको जनाइएको छ । यो घटनाबारे कंगनाले भिडियो सन्देश जारी गर्दै आफू सुरक्षित रहेको बताएकी छन् । कंगना र महिला हवलदारबिच भनाभन भएको थियो । अभिनेत्रीमाथि हानिएको थप्पड किसान आन्दोलनको जवाफ भएको कंगनाले एक भिडियोमा भनेकी छिन् ।

यस घटनाबारे कंगनाले ‘म सुरक्षित छु, ठिक छु । आज चन्डीगढ विमानस्थलमा जे भयो त्यो सेक्युरिटी चेकको साथ भयो । म त्यहाँ सेक्युरिटी चेक गराएर निस्किएको मात्रै थिए, अर्को क्याबिनमा एक महिला मैले बाटो पार कति बेला गर्छु भनेर कुरिरहेकी थिइन् । साइडबाट आएर मेरो अनुहारमा थप्पड हानिन् अनि गाली गर्न थालिन् । यस्तो किन गरेको भनेर मैले सोध्दा आफूले किसान आन्दोलनलाई सपोर्ट गर्छु भनेर उनले भनिन् । तर मेरो चिन्ता पन्जाबमा बढ्दो आतङ्कवाद र उग्रवादलाई हामी कसरी ह्यान्डल गर्छौ भन्ने हो रु’ भनेकी छिन्,

सीआइ एसएफ हवलदार कुलबिंदर कौरको पनि एउटा भिडियो बाहिरिएको छ । कंगनाले किसान आन्दोलनमा सहभागी महिलाहरू सय–सय रुपैयाँ लिएर बसेको भन्ने अभिव्यक्ति दिएकी थिइन्, त्यतिबेला आफ्नी आमा पनि किसान आन्दोलनमा जाने गरेको कौरले बताएकी छिन् ।

यस घटनापछि कौर निलम्बनमा परेकी छिन् । उनको श्रीमान् पनि सीआइ एसएफमा भएको बताइएको छ । कंगनाले हालै हिमाञ्चल प्रदेशको मन्डीबाट लोकसभाको चुनावमा जितेकी छिन् । विमानस्थलमा कंगनालाई थप्पड हानिएको भिडियो सामाजिक सञ्जालमा खुब भाइरल भइरहेको छ । लोकसभा चुनावमा भाजपाकी उम्मेदवार तथा बलिउड क्वीन रनौत हिमांचल प्रदेशको मंडी सिटमा विजयी भएकी हुन् । कंगना रनौत आफ्नो फिल्मका साथै विवादित र तिखा टिप्पणीका कारण विवादमा तानिने गर्छिन् ।

अमेरिका

थप सामाग्री

युक्रेनसँग युद्धविरामका लागि पुटिनले राखे सर्त

२०८१ चैत्र १ गते

युरोपको रक्सीमा दुई सय प्रतिशत कर लगाउने…

२०८१ चैत्र १ गते

शान्ति वार्ताका लागि अमेरिकी प्रतिनिधिमण्डल रुस प्रस्थान

२०८१ फाल्गुन २९ गते

अन्टारियोको चेतावनी : क्यानडाविरुद्ध नयाँ शुल्क लगाउन…

२०८१ फाल्गुन २८ गते

युक्रेन र अमेरिकाबीच सहमति: रुससँग ३० दिन…

२०८१ फाल्गुन २८ गते

युक्रेन युद्धविराममा अगाडि बढ्न तयार छ :…

२०८१ फाल्गुन २६ गते