अमेरिकाको टेक्सासमा सुदूरपश्चिमेलीहरुकाे बनभोज सम्पन्न

अमेरिकाको टेक्सासमा बसोवास गर्ने सुदूरपश्चिमेलीहरुले एकै स्थानमा जम्मा भएर बनभोज कार्यक्रमको सम्पन्न गरेका छन् । आइतबार सुदूरपश्चिम नेपाली समाज टेक्सासको आयोजनामा ड्यालसको सुन्दर पर्यटकीय स्थल ग्रेपभाईन लेकमा जम्मा भएर बनभोज कार्यक्रम बनभोज कार्यक्रमको आयाेजना गरिएकाे हाे ।

नेपाली नयाँ बर्ष २०८१ को समेत अवसर पारेर बनभोज आयोजना गरिएको सुदूरपश्चिम नेपाली समाज टेक्सासका अध्यक्ष गगन केसीले बताए । बिभिन्न चाडपर्बहरु तथा बनभोज कार्यक्रमहरु सामुहिक रुपमा आयोजना गर्दा अमेरिकामा जन्मेका र हुर्केका बालबालिकाहरुमा नेपाल र नेपाली भाषा सँस्कृतिसँग नजिक हुनको लागि सहयोग पुग्ने अध्यक्ष केसीले बताउनु भयो ।

बनभोजका अवसरमा बिभिन्न डेउडा खेल लगागत बिभिन्न प्रस्तुती रहने थिए । उक्त कार्यक्रममा टेक्सासका बिभिन्न स्थानमा बसोवास गर्ने सुदूरपश्चिमेलीहरुलाई सपरिवार सहभागि भएकाे देख्न सकिन्थ्याे । सुदूरपश्चिम नेपाली समाज टेक्सासले हरेक बर्ष नयाँ बर्ष, होली, गौरा पर्ब जस्ता सुदूरपश्चिम क्षेत्रमा मनाईने प्रमुख चाड पर्बको अवसरमा सुदूरपश्चिमेलीहरुलाई एकै स्थानमा जमघट गराउँदै आएको छ ।

भैगोलिक रुपमा निकै ठूलो राज्य टेक्सासका बिभिन्न स्थानमा बस्ने गर्दछन् । अन्य समयमा काममा व्यस्त रहनु पर्ने भएकाले भेटघाट गर्न प्राय संभव हुँदैन । बिभिन्न चाडपर्बहरु सामुहिक रुपमा आयोजना गर्दा सुदूर पश्चिमेलीहरु एकै स्थान जमघट भई भेटघाट, भलाकुसारी, सुख दुःख साटासाट गर्ने, चिनजान गर्ने अवसर प्राप्त हुुने समाजले जनाएको छ ।