नमस्तेले नयाँ बर्ष इभ गदैँ, परिजिता बास्तोला र द ब्याण्डको प्रस्तुती रहने

अमेरिकाको टेक्सस डालसमा परिचीत नमस्ते ग्रुपले नेपाली नयाँ बर्षको अबसर नयाँ बर्ष इभ आयोजना गर्ने भएको छ । नमस्ते इन्टरटेन्टमेन्टको आयोजनामा नेपाली नयाँ बर्ष २०८१ को अवसरमा न्यू इयर इभ कार्यक्रम आयोजना गर्ने भएको छ ।

अप्रिल १२ तारिख शुक्रबारका दिन आयोजना गरिएको कार्यक्रममा द भोइस अफ अमेरिकामा सहभागी नेपाली चेली परिजिता बास्तोलाको प्रस्तुती रहनेछ । ब्रज ब्याण्ड र म्याड हनिको ओपनिंग प्रस्तुति संगै सुरु हुने कार्यक्रममा द ब्याण्ड, डिजे राज, डिजे डिको समेत प्रस्तुती रहने छ भने कार्यक्रमको संचालन मौषम भट्टराईले गर्नेछन् । साँझ ८ बजेबाट सञ्चालन हुने कार्यक्रममा कार्लेको बेली डान्स समेत रहने आयोजकले जानकारी दिएका छन् । न्यू इयर इभ कार्यक्रम अलिबाबा हुक्का लाउन्जमा हुनेछ । कार्यक्रमको प्रबेश शुल्क २० डलर राखिएको छ । कार्यक्रम नयाँ बर्षको स्वागतको रुपमा भब्य बनाउने आयोाजक नमस्ते इन्टरटेन्टमेन्टका निर्देशक कुमार बुढाथोकीले बताएका छन् ।

नमस्ते ग्रुप अन्तर्गत अहिले नमस्ते रेस्टुरेन्ट अर्भिंग र फोर्टवर्थ, अलिबाबा हुक्का लाउन्ज अर्भिग र चाडै नै नमस्ते प्यालेस पनि सञ्चालनमा आउदैछ । गु्रपले पछिल्लो समय थुप्रै सांगितीक कार्यक्रम मेत आयोजना गर्दै आईरहेको छ ।