न्युयोर्कमा २ बर्षका बालकमाथि गोली प्रहार

न्युयोर्कमा २ वर्षका बालकमाथि गोली प्रहार भएको छ । शनिबार ब्रोन्क्समा गोली चल्दा एक २ वर्षीय बालकलाई चोट लागेको हो ।

बालकलाई दिउँसो १ बजेर ४५ मिनेटमा इस्ट फोर्डहम रोड र ग्रान्ड कन्कोर्समा दाहिने नितम्बमा चोट लागेको थियो । बालकको स्थिर अवस्थामा ज्याकोबी मेडिकल सेन्टरमा उपचार भइरहेको अधिकारीहरूले बताएका छन् । प्रत्यक्षदर्शीहरुले ६ राउण्ड गोली चलेको आवाज सुनेको बताएका छन् । त्यसपछि उक्त क्षेत्रमा भागदौड मच्चिएको थियो । प्रत्यक्षदर्शीहरुले तीन अपराधीहरू दौडिरहेको देखेको बताएका छन् । त्यसपछि बालकलाई भुईमा लडेको अवस्थामा फेला पारिएको थियो ।

मेयर एरिक घटना स्थलको संक्षिप्त सर्वेक्षण गरेका थिए भने अनुसन्धानकर्ताहरुसँग कुराकानी गरेका थिए । शनिबार ढिलोसम्म प्रहरीले गोली चलाउनुको कारणबारे अनुसन्धान गरिरहेको थियो । प्रहरीले घटनामा संलग्न भएको आशंका ३० बर्षका व्यक्तिलाई खोजिरहेको छ । संदिग्ध अन्तिम पटक क्रिसेन्ट एभिन्यूमा उत्तरतर्फ दौडिरहेको देखिएको थियो । प्रहरीले घटनास्थलबाट धेरै शेल क्यासिङहरू बरामद गरेको छ ।

गोलीकाण्ड क्यापिटल वान बैंकको अगाडि भएको प्रहरीले बताएका छन् । बन्दुकको गोली लागेर टीडी बैंकको सडकको सिसा पनि चकनाचुर भएको थियो । क्रस फायरमा बालक घाइते भएको वा घटनामा धेरैजना व्यक्ति संलग्न भए नभएकोबारे निक्यौल गर्न अनुसन्धान भइरहेको छ ।