मेरिल्याण्ड आध्यात्मिक महोत्सवमा नरेश केसीले दिए यति धेरै चन्दा

अमेरिकाको बाल्टिमोरमा शुरु भएको मेरिल्याण्ड आध्यात्मिक महोत्सवमा समाजसेवी नरेश केसीले ७० हजार डलर चन्दा सहयोग गरेका छन् ।

अमेरिकाको बाल्टिमोरमा स्थापित हिन्दु बुद्ध मन्दिरमा शुरु भएको मेरिल्याण्ड आध्यात्मिक महोत्सवमा बाल्टिमोर निवासी समाजसेवी नरेश केसीले उक्त चन्दा दिएका हुन् । मार्च ३० शनिबार देखि अप्रिल ६ सम्म प्रारम्भ भएको आध्यात्मिक महोत्सवमा उनले मन्दिर निमार्णका लागि सहयोग गरेका हुन । उनले यसअघि पनि हिन्दु बुद्ध मन्दिरलाई ५५ हजार डलर दान दिएका थिए । मन्दिरलाई कूल १२५ हजार डलर दिने केसी अहिले सम्म कै सर्वाधिक उच्च चन्दा दिने व्यक्ति भएका छन ।

उनले वाचन प्रवीण दीनबन्धु पोखरेलले आज देखि सुरु भएको श्रीमद भागवत ज्ञान महायज्ञमा बारे भागवत बारेमा मात्र प्रकाश पार्दै गर्दा केसीले बीचमै ७० हजार डलरको घोषणा गरेका हुन् । आज सुरुवात भएको श्रीमद् भागवत सप्ताह ज्ञान महायज्ञमा अन्य साना साना चन्दा संकलन भएता पनि ठूला चन्दाको सुरुवात भोली देखि ब्यापक रुपमा हुनेछ । मेरिल्याण्ड आध्यात्मिक महोत्सवमा अद्वितीय रुपमा कलश यात्रा सम्पन्न गरिएको छ। सप्ताह महापुराणमा ५०१ वटा कलश सबै समुदायले १०१ डलर तिरेर आफै सुरक्षित गरेका छन् । मन्दिरको प्रवचन कक्ष नजिक सजावट गरि कलश नै राख्ने अभिप्रायले निर्माण गरिएको स्थलमा कलश यात्रा पछि सोही स्थानमा ७ दिन सम्मको लागि राखिएको छ ।

कलश यात्रा पछि औपचारिक कार्यक्रम गरिएको थियो । उक्त औपचारिक कार्यक्रममा काउन्टीका बिशेष अतिथि, ललितपुर महानगरका नगर प्रमुख चिरि बाबु महर्जन ,महावाणिज्यदूत प्रेम राजामहत ,वाचन प्रवीण दीनबन्धु पोखरेल,मन्दिरका अध्यक्ष डा श्याम कार्की ,उपाध्यक्ष क्रिस घिमिरेले मन्तब्य राखेका थिए । औपचारिक कार्यक्रम पछि केही समय बिश्राम पश्च्यात ,वाचन प्रवीण दीनबन्धु पोखरेलले भागवतको विशेष मात्र प्रकाश पार्दै भागवत कथा भोली मार्च ३१ देखि सुरु गर्ने श्रद्धालु भक्तजनलाई बताए । आज देखि सुरुवात भएको महापुराणमा बिहानै देखि चहलपहल दिउँसो सम्म रहेको थियो भने अब लगातार ७ दिम सम्म प्रवचन कथा हुने छ । हरेक दिन दिउसो २ बजे देखि कथावाचन हुने भएको छ । नेपालको पुरातात्विक महत्व झल्किने स्वागतद्वार निर्माण गरिएको छ ।

श्रीमद् भागवत सप्ताह ज्ञान महायज्ञमा सहभागी हुन हुने भक्तजनहरुका लागि हिन्दु बुद्ध मन्दिर, महायज्ञ ब्यबस्थापन समितिले प्रसाद बितरणको पनि प्रवन्ध गरेको छ । श्रीमद् भागवत सप्ताह ज्ञान महायज्ञको पहिलो दिन दिव्य कलशयात्रा सहित बिभिन्न समुदाय तथा अमेरिकाको मौलिक इन्डियन अमेरिकीहरुको समेत सामूहिक झाँकी रहेको थियो । बिहानै देखि हजारौ सवारीसाधनहरुलाई व्यवस्थित रुपमा राख्ने स्थलको व्यवस्थापन मिलाईएको थियो भने अन्तिम प्रवचन सम्म श्रद्धालु भक्तजनहरुले भजनमा नाचगानमा सहभागिता जनाएका थिए ।

अमेरिका

थप सामाग्री

युक्रेनसँग युद्धविरामका लागि पुटिनले राखे सर्त

२०८१ चैत्र १ गते

युरोपको रक्सीमा दुई सय प्रतिशत कर लगाउने…

२०८१ चैत्र १ गते

शान्ति वार्ताका लागि अमेरिकी प्रतिनिधिमण्डल रुस प्रस्थान

२०८१ फाल्गुन २९ गते

अन्टारियोको चेतावनी : क्यानडाविरुद्ध नयाँ शुल्क लगाउन…

२०८१ फाल्गुन २८ गते

युक्रेन र अमेरिकाबीच सहमति: रुससँग ३० दिन…

२०८१ फाल्गुन २८ गते

युक्रेन युद्धविराममा अगाडि बढ्न तयार छ :…

२०८१ फाल्गुन २६ गते