डालसको अलिबाबामा गायक जुबिनको मिट एण्ड ग्रिट हुदैँ

भारतका चर्चित गायक जुबिन नौटियाल मार्चको पहिलो साता डालसमा हुनेछन् । जुबिनको लाइभ सो का लागी डालस आउन लागेका हुन् । उनको स्वागतमा नेपाली ब्यावसायीद्धारा संचालीत अलिबाबा हुक्काले मिट एण्ड ग्रिट कार्यक्रम आयोजना गर्ने भएको छ ।

मार्च २ तारिख शनिबारका दिन गायक जुबिन नौटियालसंग प्रत्यक्ष भेटघाट गर्न र गफगाफ गर्न मिट एण्ड ग्रिट आयोजना गरिएको हो । मिट एण्ड ग्रिटका लागी सिमीत सिट मात्र रहेको र डोर टिकट नरहने आयोजकले जानकारी दिएका छन् । कार्यक्रमको संयोजन तथा ब्यवस्थापन नमस्ते ग्रुप अन्तर्गतको नमस्ते इटन्रटेन्टमेन्ट गर्नेछ । नमस्ते रेस्टुरेन्ट अर्भिंग र फोर्टवर्थ संचालन गर्दै आएको ग्रुपले हाल अलिबाबा हुक्का लाउन्जको समेत ब्यवसाय सुरुवात गरेको छ ।

बिभिन्न सांगितीक कार्यक्रम ब्यवस्थापन तथा आयोजनाका लागी ग्रुपले नमस्ते इटन्रटेन्टमेन्ट संचालन समेत गरेको छ । गायक जुबिनलाई नेपाली समुदायसंग प्रत्यक्ष साक्षात्कार गराउन मिट एण्ड ग्रिट कार्यक्रम आयोजना गरिएको नमस्ते इटन्रटेन्टमेन्टका निर्देशक कुमार बुढाथोकीले बताएका छन् । गायक जुबिनको सांगितीक सो मार्च ३ तारिख आइतबार आयोजना हुदैँछ । सो कार्यक्रमको टिकट नमस्ते रेस्टुरेन्ट अर्भिंग र फोर्टवर्थ, अलिबाबा हुक्कामा उपलब्ध रहेको आयोजकले जानकारी दिएका छन् ।

जुबिन प्ले ब्याक गायकका रुपमा निकै चर्चित छन् । सन् २०१४ मा फिल्म सोनाली केवलमा एक मुलाकातबाट सांगितीक यात्रा सुरु गरेका जुबिनका तुम हि आना, तुमनाभा मेरे, मेरी आसिकी, लुट गए लगायतका गित दर्शक श्रोता माझ निकै लोकप्रिय छन् ।