परिवारका सबै सदस्यको हत्या, ससुरालिमा फोन – ‘सबैलाई मारेँ, अब मर्न जाँदैछु’

काठमाडौंको सीतापाइलामा घटेको विभत्स घटनाले सवैलाई स्तब्ध बनाएको छ । आफ्नै परिवारका ३ जनाको हत्या गरि अन्तिममा आफैले आत्महत्या गरेको घटना निकै रहस्यमय बनेको हो । नागार्जुन नगरपालिका ६ बैराग टोलमा बस्ने राजु घिमिरेले हत्या गरेको भनिएका श्रीमती ईश्वरी श्रेष्ठ, ८ वर्षकी छोरी र साढे २ वर्षकी नातिनीको शव पोष्टमार्टमका लागि त्रिवि शिक्षण अस्पताल पठाइएको प्रहरीले जनाएको छ । घटनाको सूचना पाएलगतै प्रहरीले राजुको खोजी गरेको थियो । तर, घरभन्दा केही पर उनको शव भेटिएको हो ।

नागार्जुन–५ सितापाइला हरिसिद्धीकी सुधा तामाङको घरभन्दा केही माथि ढल्किएको रुखमा उनले झुन्डिएर आत्महत्या गरेको शव भेटिएको थियो । उनको शवपनि पोस्टमार्टमका पठाइएको छ । श्रीमतीसहित २ सन्तानको हत्या गरेर श्रीमान्‌ाले आत्महत्या गरेको प्रहरीले प्रारम्भिक निष्कर्ष छ । बुधबार बिहान हत्या गरिएको अवस्थामा उनीहरुको शव भेटिएको थियो । घटनास्थलबाट प्रहरीले ह्यामर फेला पारेको छ ।

प्रहरीका अनुसार राजुले सालोलाई फोन गरेर ‘सबैलाई मारेँ, अब मर्न जाँदैछु’ भनेका थिए । सोलुखुम्बु घर भएका उनीहरू त्यहाँ भुइँतलामा भाडामा बस्दै दैनिक ज्यालादारीमा गुजारा चलाउँदै आएका थिए । बिहान साढे नौ बजेपछि कोठाभित्र शव देखेपछि स्थानीयले प्रहरीलाई खबर गरेका थिए । त्यसको केही समयपछि विक पनि घरभन्दा केही परको जंगलमा झुन्डिएको अवस्थामा स्थानीयले देखेपछि प्रहरीलाई खबर गरेका हुन । प्रहरी घटनास्थलमा आउँदा उनको मृत्यु भइसकेको थियो । घटनाको तथ अनुसन्धान भइरहेको प्रहरीले जनाएको छ ।