गोपीकृष्ण सिनेमा हल फागुन १ गते देखि बन्द हुने
-
युएस खबर - २०८० माघ २६ गते
वि.सं २०५२ सालदेखि सञ्चालनमा आएको गोपी कृष्ण मुभिजलाई बन्द गर्ने निर्णयमा यसका संचालक पुगेका छन् । फागुनको १ गतेबाट गोपी कृष्ण मुभिज बन्द गर्न लागिएको प्रबन्ध निर्देशक निरक पौडेलले जानकारी दिएका छन् ।
शुक्रवार प्रबन्ध निर्देशक निरक पौडेलद्वारा जारी गरिएको विज्ञप्तिमा भनिएको छ –‘कोरोनाको संक्रमण कालदेखि नै चलचित्र क्षेत्रमा आएको व्यावसायिक मन्दीका कारण यस प्रा।लि।ले व्यहोर्नु परेको ठूलो आर्थिक घाटा तथा राज्यको विद्यमान कर प्रणालीले गर्दा चलचित्र निर्माण, प्रदर्शन तथा वितरणमा देशको अग्रणी स्थानमा रही विगत पाँच दशकदेखि सक्रिय रहेको यस व्यवसायलाई बन्द गर्नुको पीडा व्यक्त गर्न सकिँदैन ।’
निर्देशक पौडेलले आजसम्म पाएको सहयोगका लागि सबैलाई धन्यवाद समेत दिएका छन् । २ बर्ष अगाडि गोपिकृष्ण मुभिजमा रहेका ७ पर्दामध्ये ४ वटा पर्दा रहेको भवन भत्काइएको थियो ।
अब, बाँकी रहेका ३ वटा हल पनि संचालन गर्न नसकिएको प्रबन्ध निर्देशक पौडेलले जानकारी दिएका छन् । २ बर्षदेखि गोपिकृष्ण मुभिजले ‘ब्लू, ग्रीन र रेड’ नामक दिएर ३ वटा पर्दा संचालन गरिरहेको थियो । २ बर्ष अगाडि गोपिकृष्ण मुभिजको ४ पर्दा रहेका भवन भत्काएर २५ तलाको नयाँ मल बनाउने तयारी गरिएको थियो । तर, अहिलेसम्म यसको काम सुरु हुन सकेको छैन । अब, भने ३ वटा पर्दा पनि संचालन गर्न नसक्ने अवस्थामा गोपिकृष्ण मुभिज पुगेको हो । आजसम्म पाएको सहयोग, सद्भाव र आत्मीयताका लागि प्रा।लि।ले सबैलाई धन्यवाद समेत दिएको छ ।
हल बन्द हुनु हल सञ्चालकका लागि त घाटा हुँदै हो, निर्माताका लागि पनि ठूलो नोक्सानी हो । काठमाडौंको मुटुमै रहेर ब्रान्ड बनिसकेको गोपीकृष्ण हल बन्द हुँदा निर्माताहरुलाई ठूलो नोक्सानी हुने देखिन्छ ।
-
युएस खबर
अमेरिका
थप सामाग्री
ट्रेन्डिङ
-
लगातारको हारपछि विराटनगर किङ्सको विजयी…
२०८१ मंसिर १९ गते
-
नेपाल र चीनबीचको बेल्ट एवं…
२०८१ मंसिर १९ गते
-
काठमाडौं गोर्खाज र कर्णाली याक्स…
२०८१ मंसिर १९ गते
-
राष्ट्रपति पौडेलको स्वास्थ्य अवस्था बुझ्न…
२०८१ मंसिर २१ गते
-
कर्णाली याक्स र चितवन राइनोज…
२०८१ मंसिर २१ गते
