नेपालमा कोरानाबाट मृत्यु हुनेको संख्या ३,०१९ पुग्यो – थप १५० मा संक्रमण

नेपालमा कोभिड पेण्डामिकबाट मृत्यु हुनेको संख्या ३ हजार १९ पुगेको छ । पछिल्लो २४ घण्टामा थप ३ जना संक्रमितको मृत्यु भएसंगै मृतकको संख्या ३०१९ पुगेको हो ।

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा देशका बिभिन्न प्रयोगशालामा गरिएको परीक्षणमा थप १५० जनामा कोरोना संक्रमण पुष्टि भएको छ । यो सँगै नेपालमा कोरोना संक्रमितको संख्या २ लाख ७६ हजार ५६ जना पुगेको छ ।

नेपालमा कोरोना संन्त्रास सुरु भएको १ बर्ष बढि भै सकेको छ भने गत चैत ११ गते देशब्यापि लकडाउनको घोषणा गरेको थियो । लकडाउनमा जनताले अत्यन्त अप्ठेरो अवस्थाको सामना गर्न परेपछि लकडाउन खुकुलो बनाईयो । यो संगै बिस्तारै जनताहरु संन्त्रासको माहौलबाट त हटे तर सुरुवाती समयमा जस्तै स्वास्थ्य सावधानी नअपनाउँदा र भ्याक्सीन, उपचार लगायतको उपलब्धता नहुँदा अहिले सम्म मृतु हुने क्रम रोक्किएको छैन ।