माओवादीसंग पार्टी एकीकरणको कुरा हल्ला मात्रै हो : गजुरेल

काठमाडौं । नेकपा क्रान्तिकारी माओवादीका महासचिव सिपी गजुरेलले आफ्नो पार्टी हाल सत्तामा रहेको माओवादी संग मिल्न लागेको भन्ने कुरा हल्ला मात्रै भएको बताएका छन् । इच्छुक साँस्कृतिक प्रतिष्ठान अनामनगरमा आयोजित २५ औँ साँस्कृतिक प्रतिरोध दिवसमा बोल्दै उनले, आफ्नो पार्टी एमाओवादीसंग मिल्न लागेको भन्ने कुरामा सत्यता नरहेको बताएका हुन् । पूर्व माओवादी एक ठाउँमा आउन लागेको विषयलाई लिएर आफ्नो पार्टी (नेकपा क्रान्तिकारी माओवादी) ले हाल सत्तामा रहेको सरकारी माओवादीसंग मिल्न लागेको कुरा यथार्थ नभएको उनको तर्क छ । उनले प्रचण्ड नेतृत्वको माओवादीलाई सरकारीे माओवादीको संज्ञा दिएका उनले त्यो बाहेकका माओवादी पार्टीबीच कार्यगत एकताको प्रयास पनि असफल भएको बताए । उनले भने ‘पूर्व माओवादी जति सबै मिले भनेर प्रचार भएको छ। हामी मिलेका छैनौ,हामीले प्रष्ट भनेका छौं की सत्तामा भएको माओवादीसंग हाम्रो जुन छलफल भएको छ कार्यगत एकताको लेवलमा मात्रै छलफल भएको छ । यो संयुक्त मोर्चा पनि हैन्, पार्टी एकता पनि होइन ।’

पूर्व माओवादीहरु जेल पर्ने डरले मिले भनेर मिडियाले गरेको प्रचार गलत भएको उनको धारणा थियो । आफ्नो पार्टी जनयुद्धलाई शान्ति प्रकृयाबाट समाधान गर्ने प्रकृयाको पक्षमारहेकाले पूर्व माओवादी एकै ठाउँमा उभिन खोजेको उनको भनाई छ । तर माओवादीले तयार पारेको अपिल पढेपछि त्यसलाई जस्ताको त्यस्तै स्वीकार गर्न नसकिने भन्दै संसोधनका लगि आफ्नो पार्टीको सुझव दिएको र त्यसलाई देखेर प्रधानमन्त्री तर्सिएको उनको टिप्पणी छ । उनले आफ्नो पार्टीले संसोधनका लगि पठाएको सुझावलाई प्रधानमन्त्रीले हटाएकाले सत्तामा भएको माओवादीसंग पार्टी एकता त के कार्यगत एकता समेत हुन नसक्ने बताए ।