प्रधानमन्त्री दाहालले आज विश्वासको मत लिँदै, यस्तो छ मतको अंकगणित

काठमाडौं । प्रधानमन्त्री पुष्पकमल दाहाल ‘प्रचण्ड’ आज विश्वासको मत लिँदैछन् । दिउँसो १ बजे बस्ने प्रतिनिधि सभा बैठकमा उनले विश्वासको मतलिन लागेका हुन् । सत्ता साझेदार एमाले र राप्रपाले सरकारबाट समर्थन फिर्ता लिएपछि प्रधानमन्त्री दाहालले विश्वासको मत लिन लागेका हुन् । सत्ता साझेदार दलबाट सर्मथन फिर्ता भएपछि ३० दिनभित्र विश्वासको मतलिने वैधानिक व्यवस्था छ । माओवादी केन्द्रले राष्ट्रपतिमा काँग्रेसलाई सघाउने औपचारिक निर्णय लगतै एमाले र राप्रपाले सरकारलाई दिएको समर्थन फिर्ता लिएका थिए । अहिले सत्तारुढ गठबन्धनमा काँग्रेस सहित रास्वपा, एकीकृत समाजवादी, जनमत पार्टी, लोसपा, नाउपा, राष्ट्रिय जनमोर्चा र दुई स्वतन्त्र सांसद सहभागि छन् । काँग्रेसले प्रधानमन्त्री प्रचण्डलाई विश्वासको मतदिने विषय हिजै टुंगाएको छ । एकीकृत समाजवादीले विश्वासको मतदिने निर्णय गरिसकेको छ । त्यस बाहेकदलले पनि विश्वासको मतदिने बिषय आजै टुंग्याउँदैछन् ।

विश्वासको मत पाउन प्रधानमन्त्री दाहालले कम्तीमा पनि १३८ मत पाउनुपर्छ । सत्तारुढ दलको मत एकै ठाउँ खस्न सके उनले १७३ मत पाउनेछन् । दुई स्वतन्त्र सांसद प्रभु साह र डा. अमरेसकुमार सिंहको पनि समर्थन भएको हुँदा उनको पक्षमा १७५ मतहुनेछ । यसअघि उनले २६८ मत पाएका थिए । त्यसबेला बैठकमा २६८ सांसद उपस्थित थिए । १० पुसमा एमालेको समर्थनपछि प्रधानमन्त्री बनेका उनले २६ पुसमा विश्वासको मत लिएका थिए । सत्ता समिकरण फेरिएपछि अहिले उनको विपक्षमा एमाले सहित राप्रपा, नेमकिपा र एक जना स्वतन्त्र सांसद योगेन्द्र मण्डल छन् । यस्तो छ, विश्वासको मतको अंकगणित

पार्टी निर्वाचित सांसद र भएको मत

काँग्रेस ८९, ८६
माओवादी ३२,  ३१
रास्वपा २०,  १९
जसपा १२,  १०
नेकपा एस १०,  १०
जनमत ६,  ६
लोसपा ४,  ४
नाउपा ४,  ४
राजमो १,  १
स्वतन्त्र २,  २
जम्मा १८०,  १७३

खालीहुनुका कारण
काँग्रेस –रामचन्द्र पौडेल राष्ट्रपति निर्वाचित, चन्द्र भण्डारी उपचारका क्रममा भारत र टेकबहादुर गुरुङ निलम्बित
माओवादी –वर्षमान पुन उपचारका लागि चीनमा
जसपा –रामसहाय प्रसाद यादव उपराष्ट्रपतिमा निर्वाचित र शहनाज रहमानको निधन
रास्वपा –रवि लामिछानेको पद खारेज

अमेरिका

थप सामाग्री

सानफ्रान्सिस्कोमा गोल्डेन नेपाली फिल्म अवार्ड हुने

२०८१ मंसिर २३ गते

अमेरिकामा एक विद्यार्थीको विभत्स हत्या

२०८१ मंसिर १६ गते

सुगर ड्याडिको भनाईमा लागेर दुइ छोराको ज्यान…

२०८१ मंसिर १६ गते

अमेरिकामा सुरक्षाको गम्भिर चिन्ता, प्रहरिलाई ड्युटिमा नै…

२०८१ मंसिर १६ गते

डालसमा तिन नेपाली संस्थाको रक्तदान कार्यक्रम, एकैदिन…

२०८१ मंसिर १२ गते

अमेरिकामा महँगी अझै बढ्ने चिन्ता, आयात शुल्क…

२०८१ मंसिर १२ गते