गैरकानुनी रुपमा क्रिप्टोकरेन्सी कारोबार बन्द गर्न निर्देशन

काठमाडौं १ चैत्र नेपाल दूरसञ्चार प्राधिकरणले गैरकानुनी रुपमा क्रिप्टोकरेन्सी कारोबार गर्ने सबै मोबाइल एप बन्द गर्न निर्देशन दिएको छ । इन्टरनेट सेवा प्रदायकहरुलाई निर्णय कार्यान्वयन गर्न भन्दै प्राधिकरणले परिपत्र गरेको हो।

अनलाइन प्रविधिमार्फत हुने क्रिप्टोकरेन्सी, विटक्वाइन, हाईपर फन्ड , अनलाइन जुवालगायतका गैरकानुनी क्रियाकलाप तथा आर्थिक गैरकानुनी अपराधसँग सम्बन्धित वेवसाइट,एप, अनलाइन सञ्जाललगायतका भर्चुअल माध्यमहरु नेपाल भित्र प्रयोग, संचालन र व्यवस्थापन गर्न नपाउने गरी निषेध, डिसएबल तथा कालो सूचीमा राख्ने व्यवस्था गर्न परिपत्रमा उल्लेख छ।

यसअघि नेपाल राष्ट्र बैंकले नेटवर्किङ मार्केटिङ र क्रिप्टोकरेन्सीको कारोबार बढ्दै गएको भन्दै सचेत रहन अनुरोध गरेको थियो।