गृहमन्त्री खाणलाई राप्रपाका दिपक बोहोरा चुनौती बन्दै: विवाद सृजना गर्दा पनि बढेन खाणको मत

रुपन्देही क्षेत्र नं. ३ मा राष्ट्रिय प्रजातन्त्र पार्टी राप्रपाका दिपक बोहोराको अग्रता कायम नै रहेको छ । गृहमन्त्री बालकृष्ण खाणसंग प्रतिस्पर्धामा रहेका राप्रपाका बोहोरा ३० हजार ५ सय ७७ मत सहित अग्र स्थानमा रहेका छन् ।

कांग्रेका तर्फबाट उमेद्वार रहेका खाणको मत पछिल्लो २ दिन यता बढ्न सकेको छैन । ५३ घण्टा पहिले अग्र स्थनमा रहेका उनि त्यस पछि भने राप्रपा उमेद्वार तथा पूर्व मन्त्री बोहोरा संग निरन्तर पछाडी रहेका छन् ।

बोहोरा र खाणको प्रतिस्पर्धा सुरुवाती समयबाट रोचक भै रहेको छ । झण्डै बराबरीको मत संख्या प्राप्त गर्दै अघि पछि हुँदै आएका उनिहरु मध्य अहिले बोहोराले १ हजार ३ सय २२ मत को मतान्तरले खाणलाई पछि पारेका छन् ।

बोहोराको मत बढ्न थालेपछि यस क्षेत्रमा कांग्रेस कार्यकर्ताले मत गणनामा अबरोध समेत पुर्याएका थिए । बोहोराको मत बढ्न थालेपछि कांग्रेस प्रतिनिधिले आफ्नो पार्टिले स्थानिय निर्वाचनमा जितेका वडामा पनि हलोमा कसरी मत गयो भन्ने प्रश्न गर्दै विवाद सृजना गरेको आरोप राप्रपाको छ । बुधबार राति नेपाल प्रहरिका एकजना अधिकृतले गणना स्थलमा निर्वाचन आचरसंहिता बिपरित काम गरेको भन्दै राप्रपा, एमाले, जसपा र स्वतन्त्र लगायतले विरोध गरेपछि गणना स्थलमा सशस्त्र प्रहरिले सुरक्षा दिएका थिए ।

रोचक प्रतिस्पर्धा भै रहेको यस क्षेत्रमा गृहमन्त्री खाणसंग प्रतिस्पर्धामा रहेका बोहरा पञ्चायत कालमा दुई पटक राष्ट्रिय पञ्चायत सदस्य र २०७० मा संविधानसभा सदस्य रहेका नेता हुन् । पञ्चायत कालमै तीन पटक पर्यटन र दुई पटक भौतिक पूर्वाधार तथा यातायात मन्त्री बनेका उनि ९ पटकसम्म मन्त्री भएका पुराना नेता हुन् ।

गणतन्त्रपछि पनि बोहोरा २०६७ सालमा वन तथा भू–संरक्षण मन्त्री र २०७३ सालमा आपूर्तिमन्त्री रहेका थिए ।

TOP