बदलाको पराकाष्ट: बाजुरामा मतदानका दिन कांग्रेस युवाको मृत्यु भएपछि एमाले विद्यार्थी नेताको हत्या गरियो

आईतबार सम्पन्न प्रतिनिधि सभा र प्रदेश सभा सदस्य निर्वाचनमा एमाले र कांग्रेस विचको झडपमा कांग्रेस निकट २५ बर्षिय युवकको मृत्यु भएपछि बदलामा कांग्रेस कार्यकर्ताले एमालेका विद्यार्थी नेताको हत्या गरेका छन् ।

बाजुराको त्रिवेणी नगरपालिका–७ स्थित नाटेश्वरी आधारभूत विद्यालयमा रहेको मतदान केन्द्रमा प्रहरी र स्थानीयवासीबीच झडप हुँदा प्रहरीले चलाएको गोली लागेर स्थानीय २५ बर्षिय सुरेन्द्र ऐडीको मृत्यु भएको थियो । उनको मृत्युको बदला लिन कांग्रेस निकट युवाहरुले नेकपा एमाले सम्बद्ध अनेरास्ववीयु सुदूरपश्चिम विश्वविद्यालयका अध्यक्ष चेतन अयडीको हत्या गरेका छन् ।

दिउँसोको झडपमा आफ्ना कार्यकर्ताको निधन भएपछि राति कांग्रेस निकट व्यक्तीहरुले घरमा बसिरहेका चेतनलाई घरबाट झिकेर हत्या उदेश्यले निर्घात कुटपिट गरेका थिए । कुटपिटबाट गम्भिर घाईते भएका चेतनको उपचारका क्रममा बयलपाटा अस्पतालमा मृत्यु भएको हो ।

देशमा प्रतिनिधि छनौट गर्ने नाममा २ युवाको हत्या हुनु अत्यन्त दुखद घटना हो । त्यसमा पनि प्रहरीको गोली लागेर मृत्यु भएका युवाको बदला लिन अर्को दलका युवाको जानाजान हत्या गरिनु सबै भन्दा निन्दनिय पक्ष पनि हो । देश निर्वाचनमय बनिरहेका बखत एकै ठाउँका २ युवाले निर्वाचनका नाममा ज्यान गुमाएका छन् भने परिवारले जवान छोरा गुमाएको छ ।