एमसीसी अनुमोदन विरुद्ध प्रदर्शन चर्किएपछि वीरेन्द्रनगरमा कर्फ्यू

काठमाडौं, १६ फागुन: सुर्खेतमा अमेरिकी अनुदान सहयाेग परियोजना एमसीसी सम्झौता अनुमोदनको विरोधमा प्रदर्शन भएकाे छ । प्रदर्शन चर्किएपछि जिल्ला प्रशासन कार्यालय सुर्खेतले सदरमुकाम वीरेन्द्रनगरमा कर्फ्यू आदेश जारी गरेको छ ।

प्रदर्शन नियन्त्रण बाहिर गएको भन्दै स्थानीय प्रशासनले सोमबार बेलुकी सवा ८ बजेदेखि मंगलबार साँझ ७ बजेसम्मका लागि कर्फ्यू आदेश जारी गरेको हो ।

प्रमुख जिल्ला अधिकारी खगेन्द्र रिजालले प्रदर्शन नरोकिएको र तोडफोड हुन थालेपछि जिल्ला सुरक्षा समितिको बैठकले कर्फ्यू लगाउने निर्णय गरेको जानकारी दिए । उनले भने,’स्थितिलाई नियन्त्रणमा लिन कर्फ्यू लगाइएको हो।’सुरक्षाकर्मीले भीडलाई तितरबितर पार्न तीन दर्जन भन्दा बढी राउन्ड अश्रुग्यास गरेकाे उनले बताए ।

जिल्ला प्रशासन कार्यालयका अनुसार वीरेन्द्रनगरको पूर्वमा इत्राम खोला, पश्चिममा बाङ्गेसिमल, उत्तरमा कपासे ब्यारेक र दक्षिणमा रत्नराजमार्गको ५ सय मिटर क्षेत्रसम्म कर्फ्यू लगाएको छ ।

नेत्रविक्रम चन्द विप्लव नेतृत्वको नेकपासहित ६ दलले गरेको बन्दका क्रममा सोमबार साँझ एमसीसी विरोधी प्रदर्शन चर्किएको थियो ।

अमेरिका

थप सामाग्री

युक्रेनसँग युद्धविरामका लागि पुटिनले राखे सर्त

२०८१ चैत्र १ गते

युरोपको रक्सीमा दुई सय प्रतिशत कर लगाउने…

२०८१ चैत्र १ गते

शान्ति वार्ताका लागि अमेरिकी प्रतिनिधिमण्डल रुस प्रस्थान

२०८१ फाल्गुन २९ गते

अन्टारियोको चेतावनी : क्यानडाविरुद्ध नयाँ शुल्क लगाउन…

२०८१ फाल्गुन २८ गते

युक्रेन र अमेरिकाबीच सहमति: रुससँग ३० दिन…

२०८१ फाल्गुन २८ गते

युक्रेन युद्धविराममा अगाडि बढ्न तयार छ :…

२०८१ फाल्गुन २६ गते